مجھے کوئی فرق نہیں پڑتا سربراہ کوئی بھی ہو،بہادرآباد میں نادان دوست بیٹھے ہیں، عامر خان بہادآباد گروپ کے نامعلوم سربراہ ہیں،کامران ٹیسوری

منگل 15 مئی 2018 13:00

کراچی(اُردو پوائنٹ اخبارتازہ ترین - این این آئی۔ 15 مئی2018ء) متحدہ قومی موومنٹ(ایم کیو ایم)پی آئی بی کے رہنما کامران ٹیسوری نے کہا ہے کہ مجھے کوئی فرق نہیں پڑتا سربراہ کوئی بھی ہو،بہادرآباد میں نادان دوست بیٹھے ہیں، عامر خان بہادآباد گروپ کے نامعلوم سربراہ ہیں۔خصوصی بات چیت کرتے ہوئے کامران ٹیسوری نے کہاکہ بہادرآباد والوں نے پارٹی پر قبضہ کیا ہوا ہے،عامرخان بہادآباد گروپ کے نامعلوم سربراہ ہیں، بہادرآباد میں عامرخان سب کو چلارہے ہیں۔

انہوں نے کہاکہ بانی ایم کیو ایم کی راہ ہموار کرنے کا کوئی ارادہ نہیں، فاروق بھائی چاہتے تھے جماعت تقسیم نہ ہو لیکن پانچ مئی کے جلسے کے بعد فاروق بھائی کوئی معاونت کی گئی، وسیم اختر پر الزام نہیں لگایا صرف حساب مانگا ہے ۔

(جاری ہے)

انہوں نے کہاکہ خالد مقبول نیک آدمی ہیں، خواجہ سہیل بھائی موڈی آدمی ہیں ان کی پروانہ کریں، بہادرآباد گروپ میں 8 کا ٹولا ہے، یہ کسی کے باپ کی پارٹی نہیں ہے۔

انہوں نے کہا کہ مجھے کوئی فرق نہیں پڑتا سربراہ کوئی بھی ہو میں کسی اور پارٹی میں نہیں جائوں گا، بہت سارے بند دفاتر واپس ملنا چاہیں ۔کامران ٹیسوری نے کہاکہ بہادر آباد والوں سے ذاتی اختلاف نہیں، بہادرآباد میں ایک اسٹیبلشمنٹ کا آدمی موجود ہے، پاکستان کی ایجنسی کا بندہ ہونا کوئی غلط بات نہیں ہے۔