سونم نے کرینہ اورجیکولین کواپنی پکی سہیلیاں قراردیدیا

سونم کپورشادی کے بعد دوبارہ اپنی آئندہ فلم ’’ویرے دی ویڈنگ‘‘ کی تشہیرمیں مصروف

منگل 15 مئی 2018 12:00

ممبئی(اُردو پوائنٹ اخبارتازہ ترین - این این آئی۔ 15 مئی2018ء) بالی ووڈ میں اپنے دوٹوک موقف کی وجہ سے جانی جانے والی سونم کپورنے کرینہ کپور، جیکولین فرنانڈس اورسوارا بھاسکرکوبہترین دوست قراردے دیا۔بالی ووڈ اداکارہ سونم کپوربھارتی بزنس مین آنند آہوجا سے شادی کے بعد دوبارہ اپنی آئندہ فلم ’’ویرے دی ویڈنگ‘‘ کی تشہیرمیں مصروف ہوگئی ہیں۔

(جاری ہے)

اسی حوالے سے دیئے گئے انٹرویومیں جب ان سے پوچھا گیا کہ کیا بالی ووڈ میں سچی دوستیاں نہیں ہوتیں تو انہوں نے کہا کہ ایسی کوئی بات نہیں۔ انڈسٹری میں کرینہ کپور، جیکولین فرنانڈس اورسوارابھاسکرمیری بہترین دوست ہیں۔سنجے دت کی زندگی پربننے والی فلم ’’سنجو‘‘ میں نبھائے گئے کردار کے حوالے سے انہوں نے کہا کہ ابھی وہ اس کردارکے بارے میں نہیں بتاسکتیں، مناسب وقت آنے پراس پربھی بات کروں گی۔واضح رہے کہ ویرے دی ویڈنگ یکم جون جب کہ سنجو29 جون کو ریلیزہورہی ہے۔ دونوں فلموں میں سونم کپوراہم کردارمیں نظرآئیں گی۔