ملتان،مشیر ِ ہوا بازی کا صحافی سرل المیڈا کو ایئر پورٹ پر خصوصی پرٹوکول

ایئر پورٹ لائونج میں سپیشل انٹری اور سیکورٹی کلیرنس فراہم کرنے کی ہدایات دی گئیں

اتوار 13 مئی 2018 19:30

ملتان،مشیر ِ ہوا بازی کا صحافی سرل المیڈا کو ایئر پورٹ پر خصوصی پرٹوکول

ملتان(اُردو پوائنٹ اخبارتازہ ترین - آن لائن۔ 13 مئی2018ء) نواز شریف کے انٹر ویو کا معاملہ ، وزیر اعظم شاہد خاقان عباسی کے مشیر ِ ہوا بازی کی جانب سے صحافی سرل المیڈا کو خصوصی پرٹوکول دیا گیا۔تفصیلات کے مطابق وزیر اعظم کے مشیر احتشام علی نے ملتان ایئر پورٹ حکام کو صحافی سرل المیڈا کو خصوصی سہولیات فراہم کرنے کا لیٹر جاری کیا ۔

(جاری ہے)

صحافی سرل المیڈا کو ملتان ایئر پورٹ پر لائونج میں سپیشل انٹری اور سیکورٹی کلیرنس بھی فراہم کرنے کی ہدایات دی گئیں۔

لیٹر گورنمنٹ آف پاکستان کیبنٹ ڈویژن سیکرٹریٹ ایوی ایشن ڈویژن اسلام آباد کی جانب سے جاری ہوا۔لیٹر چیف سیکورٹی آفیسر ، ایئر پورٹ منیجر اورڈیوٹی ٹرمینل آفیسر کو جاری کیا گیا۔واضع رہے کہ نواز شریف 11 مئی کو جلسہ کے سلسلے میں ملتان آئے تھے جہاں انہوں نے صحافی سرل المیڈا کو غیر ملکی جریدے کے لیے خصوصی انٹرویو دیا تھا۔