سپریم کورٹ نے سرکاری بھرتیوں پر پابندی ہٹانے کا اسلام آبادہائیکورٹ کا فیصلہ معطل کر دیا ،

الیکشن کمیشن کا نوٹیفکیشن بحال

ہفتہ 12 مئی 2018 13:05

کراچی (اُردو پوائنٹ اخبارتازہ ترین - این این آئی۔ 12 مئی2018ء) سپریم کورٹ نے سرکاری بھرتیوں پر پابندی ہٹانے کا اسلام آباد ہائیکورٹ کا فیصلہ معطل کر تے ہوئے الیکشن کمیشن کا نوٹیفکیشن بحال کردیا۔

(جاری ہے)

چیف جسٹس ثاقب نثار کی سربراہی میں 3 رکنی بنچ نے سپریم کورٹ کراچی رجسٹری میں سرکاری بھرتیوں پر پابندیوں کے حوالے سے الیکشن کمیشن کی درخواست کی سماعت کی،الیکشن کمشنرسندھ یوسف خٹک عدالت میں پیش ہوئے،انہوں نے موقف اختیار کیا کہ الیکشن کمیشن نے انتخابات کوشفاف بنانے کیلئے پابندی عائد کی،ترقیاتی فنڈزاورترقیاتی منصوبوں کی منظوری پربھی پابندی عائدی،الیکشن کمشنر سندھ کا کہناتھا کہ ہائیکورٹ نے بھی پابندی کاحکم دیاتھا۔

سپریم کورٹ نے اسلام آبادہائیکورٹ کاسرکاری پابندیوں پر پابندی ہٹانے کا فیصلہ معطل کردیااورالیکشن کمیشن کانوٹیفکیشن بحال کردیا،عدالت نے کہا ہے کہ الیکشن تک سرکاری ملازمتوں اورترقیاتی کاموں پرپابندی رہے گی،عدالت نے الیکشن کمیشن اوردیگرفریقین کوآئندہ ہفتے اسلام آبادطلب کرلیا،چیف جسٹس پاکستان نے کہا کہ جوکام زیرالتواہے اسے کیسے روکاجاسکتا ہی ،عدالت کازیرالتوامنصوبے مکمل کرنے کاحکم دے دیا۔