مقبوضہ کشمیر: بھارتی فوجیوں نے شوپیاں میںمزید 10نوجوان شہید کر دئیے ،ْشہداء کی تعداد چودہ ہوگئی
کٹھ پتلی انتظامیہ نے احتجاجی مظاہروں کو روکنے کیلئے سخت پابندیاں نافذ کر دیں ،ْ موبائل فون اور انٹر نیٹ سروس بھی معطل بھارتی فورسز کی جارحیت کے خلاف اور نوجوانوں کی شہادت پر علاقے میں زبردست مظاہرے پھوٹ پڑے ،ْبھارتی فورسز نے مظاہرین کو منتشر کرنے کیلئے گولیاں چلائیں، پیلٹ برسائے ،ْ آنسو گیس کی شدید شیلنگ ،ْ متعدد افراد زخمی قابض فوجیوں نے علاقے میں ایک رہائشی مکان کو بھی بارودی مواد سے اڑا دیا
اتوار 6 مئی 2018 17:50
(جاری ہے)
شہید ہونے والوں کے نام پروفیسر محمد رفیع بٹ ، صدام احمد پڈر ، بلال احمد مہند،عادل ملک اور توصیف احمد شیخ بتائے جا رہے ہیں ۔ بھارتی فوج نے دعویٰ کیا کہ شہید ہونے والے یہ نوجوان عسکریت پسند تھے۔نوجوانوں کی شہادت پر علاقے میں زبردست مظاہرے پھوٹ پڑے ۔
بھارتی فورسز کے اہلکاروں نے مظاہرین کو منتشر کرنے کیلئے گولیاں چلائیں، پیلٹ برسائے اور آنسو گیس کی شدید شیلنگ کی جس کے نتیجے میں 17سالہ آصف احمد میر ، سجاد احمد راتھر عادل احمد شیخ ، ناصر احمد کمہار اور زبیر احمد ناگرو شدید زخمی ہو گئے جو بعد ازاں ہسپتالوں میں زخموں کی تاب نہ لاتے ہوئے چل بسے۔ قابض فوجیوں نے علاقے میں ایک رہائشی مکان کو بھی بارودی مواد سے اڑا دیا۔ قبل ازیں اسی علاقے میں ایک جھڑپ کے دوران ایک بھارتی فوجی افسر اور ایک پولیس اہلکار زخمی ہو گئے تھے۔ ان 10 نوجوانوں کی شہادت سے ہفتے کے روز سے مقبوضہ وادی میں شہید ہونے والوں کی تعداد بڑھ کر14ہو گئی۔ بھارتی فوجیوں نے 3 نوجوانوں کو ہفتے کے روز سرینگر کے علاقے چھتہ بل میں محاصرے اور تلاشی کی ایک پرتشدد کارروائی کے دوران شہید کیاتھاجبکہ ایک اور نوجوان کو بھارتی فوج کی ایک گاڑی نے صفا کدل سرینگر میں کچل کر شہید کردیاتھا۔دوسری جانب مقبوضہ کشمیر میں بھارتی فوجیوں کے ہاتھوں سرینگر میں بے گناہ نوجوانوں کے شہادت پر پورے مقبوضہ علاقے میں مکمل ہڑتال کی گئی۔ ہڑتال کی کال سید علی گیلانی ،میرواعظ عمر فاروق اور محمد یاسین ملک پر مشتمل مشترکہ حریت قیادت نے دی ہے ،ْسرینگر اور دیگر تمام چھوٹے بڑے قصبوں میں دکانیں اور کاروباری مراکز بند اور سڑکوں پر ٹریفک معطل رہی۔ کٹھ پتلی انتظامیہ نے نوجوانوں کی شہادت پر احتجاجی مظاہروں کو روکنے کیلئے سرینگر میں سخت پابندیاں نافذ کر دی ہیں ۔ انتظامیہ نے مقبوضہ وادی میں موبائل فون انٹرنیٹ اور ریل سروسز بھی معطل کر دی ہیں۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.