پاکستان نے امریکا کے ساتھ حسین حقانی کے بدلے شکیل آفریدی کی ڈیل کا امکان مسترد کردیا
میاں محمد ندیم جمعرات 3 مئی 2018 13:31
(جاری ہے)
ایک سوال کے جواب میں ترجمان دفتر خارجہ نے کہا کہ وزارت خارجہ کا قلمدان وزیراعظم کے پاس ہے۔افغان مہاجرین پر بات کرتے ہوئے انہوں نے کہا کہ افغان مہاجرین کی پاکستان میں موجودگی دہشت گردوں کو چھپنے کا موقع دیتی ہے، افغان مہاجرین کی واپسی صرف پاکستان کی نہیں عالمی برادری کہ مشترکہ ذمہ داری ہے۔
ترجمان نے کہا کہ گلگت بلتستان کے عوام کو تمام بنیادی حقوق دینے کے لیے کام ہورہا ہے، توقع ہے اصلاحات کا عمل موجودہ حکومت کے دورمیں ہی مکمل ہوجائے گا۔ ترجمان دفتر خارجہ ڈاکٹر محمد فیصل نے کہا کہ امریکی سفارت کار کی گاڑی کی نوجوان سے تصادم ایک حادثہ ہے جس کے بعد امریکہ سفارت کار کو تھانے لے جا کر اس کی تصدیق کی گئی اور کاروائی کا آغاز کیا گیا تھا۔ایک سوال کے جواب میں انہوں نے کہا کہ پاک افغان بارڈر پر نقل و حرکت دہشت گردوں کو بھی مواقع فراہم کرتی ہے اور افغان مہاجرین کی پاکستان میں موجودگی سے دہشت گردوں کو چھپنے کا موقع ملتا ہے۔ افغان مہاجرین کی واپسی صرف پاکستان کی نہیں عالمی برادری کہ مشترکہ ذمہ داری ہے۔انہوں نے کہا کہ افغان حکومت نے خود افغان مہاجرین میں سے دہشت گردوں کی بھرتی کی بات کی تھی۔ترجمان نے بتایا کہ پاک افغان سرحد کی پاکستانی سائیڈ پر دہشت گردوں کی موجودگی نہیں ہے اور پاکستان اپنے حصے کا کام بارڈر مینجمنٹ کا نظام وضع کرکے کر رہا ہے جس کی وجہ سے پاکستان بہتر سرحدی انتظام پر زور دیتا ہے۔پاکستان کہ جانب سے بھارتی قیدی کو رہا کرنے کے معاملے پر گفتگو کرتے ہوئے ڈاکٹر فیصل نے کہا کہ بھارتی قیدی جتیندر کو خون کی بیماری ہے اور ان کا ذہنی توازن بھی تھوڑا خراب ہے۔انہوں نے کہا کہ ہماری جانب سے قیدیوں کی رہائی 1400 برس پرانی اسلامی روایات کی عکاس ہے جبکہ عموماً بھارت بھی ہمارے قیدیوں کو واپس بھیج دیتا ہےانہوں نے بتایا کہ پاکستان کی جانب سے انسانی ہمدردی کا کام 1400 سال پہلے کی تعلیمات کی روشنی میں کیا جاتا ہے۔انہوں نے امید ظاہر کی کہ بھارت میں قید 46 پاکستانی قیدیوں جلد رہا کردیا جائے گا۔پاک بھارت سفارت کاروں کی ہراسگی کے معاملہ پر انہوں نے کہا کہ اس معاملے کو دونوں ممالک کے دفتر خارجہ نے مل کر حل کیا اور اس معاملے میں بیک ڈور چیلنجز کا کوئی کردار نہیں ہے۔جدہ میں ہونے والے کشمیر پر او آئی سی کے کنٹیکٹ گروپ کے ہنگامی اجلاس کے حوالے سے انہوں نے بتایا کہ اس اجلاس میں سیکرٹری خارجہ نے مقبوضہ کشمیر میں بھارتی مظالم پر بریفنگ دی۔انہوں نے بتایا کہ اجلاس کے دوران سیکرٹری خارجہ نے کشمیر پر او آئی سی کی جانب سے تعاون ملنے کا شکریہ ادا کیا اور اجلاس کے شرکاءکو واضح کیا کہ کشمیر کے مسئلے کا واحد حل مذاکرات ہیں۔ترجمان نے کہا کہ اس اجلاس میں حریت کانفرنس کے رہنما غلام محمد صفی نے یاداشت او آئی سی میں پیش کی۔انہوں نے کہا کہ مقبوضہ کشمیر میں بھارتی مظالم کا سلسلہ جاری ہے اور بھارت نے رواں ہفتے مزید 4 کشمیریوں کو شہید کیا ہے۔ڈاکٹر فیصل نے کہا کہ گزشتہ ماہ میں بھارتی 760 کشمیری گولیوں اور پیلٹ سے زخمی کیے گئے جبکہ کشمیری قیادت کو مسلسل نظر بند رکھا گیا ہے۔انہوں نے شمالی اور جنوبی کوریا میں تاریخی مذاکرات کا خیر مقدم کیا اور پاکستان افغانستان میں دہشتگرد حملوں کی مذمت کی۔مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.