اپیل خواجہ آصف کا حق ہے لیکن عدالت نے فیصلہ تمام تر شواہد کو مدنظررکھتے ہوئے کیا ، شاہ محمود قریشی

خواجہ آصف نہ صرف نااہل ہو ئے بلکہ اگلے انتخابات میں حصہ بھی نہیں لے سکتے، رہنما تحریک انصاف کا رد عمل

جمعرات 26 اپریل 2018 23:20

اپیل خواجہ آصف کا حق ہے لیکن عدالت نے فیصلہ تمام تر شواہد کو مدنظررکھتے ..

اسلام آباد (اُردو پوائنٹ اخبارتازہ ترین - آئی این پی۔ 26 اپریل2018ء) پاکستان تحریک انصاف کے وائس چیئرمین شاہ محمود قریشی نے کہا ہے کہ اپیل کرنا خواجہ آصف کا حق ہے لیکن عدالت کی جانب سے یہ فیصلہ تمام تر شواہد کو مدنظررکھتے ہوئے کیا گیا،خواجہ آصف نہ صرف نااہل ہو ئے بلکہ اب وہ اگلے انتخابات میں حصہ بھی نہیں لے سکتے۔

(جاری ہے)

جمعرات کو خواجہ آصف کی نااہلی پر رد عمل دیتے ہوئے تحریک انصاف کے رہنما شاہ محمود قریشی نے کہا کہ اس فیصلے پر میں عثمان ڈار، تحریک انصاف کے کارکنان کو مبارکباد پیش کرتا ہوں، ہمیں طویل جدوجہد کے بعد کامیابی ملی ہے، خواجہ آصف نہ صرف نااہل ہو گئے ہیں بلکہ اب وہ اگلے انتخابات میں حصہ بھی نہیں لے سکتے، تمام تر ثبوت کے بعد ہم اس قسم کے فیصلے کی توقع رکھتے تھے۔

انہوں نے کہا کہ اپیل کرنا خواجہ آصف کا حق ہے لیکن عدالت کی جانب سے یہ فیصلہ تمام تر شواہد کو مدنظررکھتے ہوئے کیا گیا ہے۔