نوجوان سوشل میڈیا کے ذریعے پاکستان مخالف ہونے والا ایجنڈا ناکام بنا دیں ، میجر جنرل آصف غفور

ففتھ جنریشن وار کانشانہ نوجوان نسل ہے،قو می یوتھ اسمبلی پاکستان کے ملک بھر سے تعلق رکھنے والے وفد کی دورہ جی ایچ کیو کے دوران ترجمان آئی ایس پی آر کی گفتگو

بدھ 25 اپریل 2018 23:10

نوجوان سوشل میڈیا کے ذریعے پاکستان مخالف ہونے والا ایجنڈا ناکام بنا ..
آسلام آباد (اُردو پوائنٹ اخبارتازہ ترین - آن لائن۔ 25 اپریل2018ء) ترجمان پاک فوج میجر جنرل آصف غفور نے نوجوانوں پر زور دیا ہے کہ وہ۔سوشل۔میڈیا کے زریعے ہونے والا پاکستان مخالف ایجنڈا ناکام بنا دیں۔کیونکہ ففتھ جنریشن وار کانشانہ نوجوان نسل ہے۔ آئی ایس پی آر کے مطابق قو می یوتھ اسمبلی پاکستان کے ملک بھر سے تعلق رکھنے والے وفد نے بدھ کو جی ایچ کیو کا دورہ۔

کیا دورہ کے دوران وفد نے ڈی جی آئی ایس پی سے ملاقات بھی کی۔ ڈی جی آئی ایس پی آر کی جانب سے نیشنل یوتھ اسمبلی کے وفد کو جیو سٹرٹیجک صورتحال اور قومی سلامتی کو درپیش خطرات سے بھی آگاہ کیا گیا۔ اس موقع پر ڈی جی آئی ایس پی آر نینیشنل یوتھ اسمبلی کے وفد کو دہشتگردی کیخلاف جنگ میں پاک فوج کی کامیابیوں اور علاقائی امن کیلئے کاوشوں سے آگاہ کیا۔

(جاری ہے)

وفد سے گفتگو کرتے ہوئے ڈی جی آئی ایس پی آر نے ففتھ جنریشن/ ہائیبرڈ وار کا تذکرہ کیا جس میں سوشل میڈیا کے ذریعے موثر طور پر نئی نسل کو نشانہ بنایا جا رہا ہے۔ اس موقع پر نیشنل یوتھ اسمبلی کے وفد نے پاکستان کی مسلح افواج کی کامیابیوں اور کاوشوں کا اعتراف کیا اور پرامن ماحول کیلئے فورسز کی حمایت کا اعادہ کیا۔ نیشنل یوتھ اسمبلی کے وفد نے پاکستان اور مسلح افواج کیخلاف منفی پروپیگنڈے کے توڑ کے لئے بھرپور کردار ادا کرنے کے عزم کا اظہار کیا