داتا دربار کے سجادہ نشین میاں ہارون گڈو نے پی ٹی آئی میں شمولیت کی پیشکش ٹھُکرا دی

حمزہ شہباز سے ملاقات میں مسلم لیگ (ن) کی قیادت پراظہار اعتماد ، شمولیت کا اعلان کر دیا

سمیرا فقیرحسین بدھ 25 اپریل 2018 12:52

داتا دربار کے سجادہ نشین میاں ہارون گڈو نے پی ٹی آئی میں شمولیت کی ..

لاہور(اُردو پوائنٹ تازہ ترین اخبار۔ 25 اپریل 2018ء) : پاکستان تحریک انصاف میں شمولیت کی پیشکش ٹھُکرانے کے بعد داتا دربار کے سجادہ نشین میاں ہارون گڈو نے مسلم لیگ (ن) کے مرکزی رہنما و رکن قومی اسمبلی حمزہ شہباز سے ملاقات کے بعد مسلم لیگ (ن) میں شمولیت کا اعلان کردیا ۔ حمزہ شہباز گذشتہ روز ڈیفنس پہنچے جہاں میاں ہارون گڈو اور میاں معراج ،میاں زین نے ان کا استقبال کیا ۔

(جاری ہے)

اس موقع پر انہوں میاں ہارون گڈو نے (ن) لیگ میں شمولیت کا اعلان کرتے ہوئے (ن)لیگ کی قیادت پر مکمل اعتماد کا اظہار کیا۔حمزہ شہباز کا کہنا تھا کہ میاں ہارون گڈو نہ صرف ہمارے بزرگ ہیں بلکہ پارٹی کا قیمتی اثاثہ بھی ہیں ۔ان کو پارٹی میں شمولیت پر خوش آمدید کہتے ہیں اور آئندہ انتخابات میں پارٹی کے لیے مل کر کام کریں گے ۔اس سے قبل داتا دربار کے سجادہ نشیں میاں ہارون گڈو نے پی ٹی آئی میں شمولیت کی پیشکش ٹُھکرا دی تھی ۔