عالمی امن کے لئے پاکستان کی مسلح افواج نے بے پناہ قربانیاں دی ہیں،گورنر سندھ
منگل 24 اپریل 2018 23:02
(جاری ہے)
انہوں نے کہا کہ 2013 میں پاکستان خصوصاً کراچی میں امن و امان کی صورتحال نہایت ابتر تھی جس کے باعث کوئی غیر ملکی دن کے دورے پر بھی ملک کے معاشی مرکز میں آنے کو تیار نہیں تھا۔
انہوں نے کہا کہ موجودہ وفاقی حکومت نے اقتدار سنبھالتے ہی اس جانب توجہ دی اور پارلیمنٹ کے ذریعہ رینجرز کو خصوصی اختیارات دئیے گئے تاکہ وہ دہشت گردوں اور ان کے سہولت کاروں کو پکڑ سکیں۔ انہوں نے کہا کہ وفاقی حکومت نے یہ عزم کیا تھا کہ وہ آپریشن میں کبھی مداخلت نہیں کرے گی اور 5 سال کے دوران ہم نے اس وعدہ کو پوری طرح نبھایا اور کبھی کسی دہشت گرد اور سماج دشمن فرد کی رہائی یا اُسے سہولت دینے کے لئے قانون نافذ کرنے والے اداروں سے سفارش نہیں کی۔ انہوں نے کہا کہ حکومت کی بھرپور حمایت اور قانون نافذ کرنے والے اداروں کی انتھک محنت کے بعد کراچی میں امن قائم ہوا ۔ انہوں نے کہا کہ ملک اور خطہ کے دیگر شہروں کے مقابلہ میں کراچی میں گھنائونے جرائم نہ ہونے کے برابر ہیں جوکہ 2013 کی صورتحال کے مقابلہ میں نمایاں بہتری ہے ۔ انہوں نے کہا کہ امن و امان کے قیام کے بعد اب انفرا اسٹرکچر کی تعمیر و ترقی پر خصوصی توجہ دی جارہی ہے کیونکہ تیز رفتار معاشی ترقی کے لئے انفرا اسٹرکچر کی موجودگی اشد ضروری ہے۔ انہوں نے کہاکہ یہی وجہ ہے کہ خطہ کے لئے منفرد منصوبہ سی پیک میں بھی انفرا اسٹرکچر کی تیاری پر خصوصی توجہ دی جارہی ہے۔ انہوں نے کہا کہ موجودہ حکومت کے دور میں 1700 کلو میٹر شاہراہیں اور موٹر ویز تعمیر کئے گئے ہیں جوکہ غیر معمولی کاوش ہے اور اس کی کہیں کوئی مثال نہیں ملتی۔ انہوں نے کہا کہ سی پیک کے باعث گوادر کی بندرگاہ کی تعمیر و ترقی سے کراچی پورٹ پر کوئی اثر نہیں پڑے گا بلکہ اس کے باعث صحت مندانہ مقابلہ کی فضاء پیدا ہوگی۔ انہوں نے کہا کہ پاکستان کی مسلح افواج کا شمار دنیا کی بہترین افواج میں ہوتا ہے۔ انہوں نے کہا کہ توپ خانہ بری فوج کا اہم جزو ہے اور اس کے افسران کی تربیت سے انہیں اپنی صلاحیتوں میں مزید اضافہ کا موقع ملے گا اور اپنی ذمہ داریاں زیادہ بہتر انداز میں ادا کرسکیں گے۔ اس موقع پر گورنر سندھ کو بریگیڈیئر عبد الحق نے اسکول آف آرٹلری کا نشان پیش کیا۔مزید اہم خبریں
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
سپریم کورٹ حسان نیازی اورعباد فاروق کی جبری گمشدگی کا فوری نوٹس لے
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
-
اٹلی کے وزیر خارجہ انتونیو تاجانی کی ایران کے شہراصفہان پراسرائیلی حملے کی تصدیق
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.