سیکیورٹی فورسز کی کوئٹہ کے علاقہ میاں غنڈی میں کارروائی ،دو خودکش حملہ آوروں کو ہلاک کر دیا

تیسرے خود کش حملہ آور کے پولیس وین کو ہدف بنانے کے نتیجے میں 5 پولیس اہلکار شہید، 7 زخمی ہوگئے، آئی ایس پی آر

منگل 24 اپریل 2018 20:44

سیکیورٹی فورسز کی کوئٹہ کے علاقہ میاں غنڈی میں کارروائی ،دو خودکش حملہ ..

راولپنڈی (اُردو پوائنٹ اخبارتازہ ترین - این این آئی۔ 24 اپریل2018ء) سیکیورٹی فورسز نے کوئٹہ کے علاقے میاں غنڈی میں دو خودکش حملہ آوروں کو ہلاک کردیا جبکہ تیسرے خود کش حملہ آور کے پولیس وین کو ہدف بنانے کے نتیجے میں 5 پولیس اہلکار شہید اور 7 زخمی ہوگئے ۔منگل کو آئی ایس پی آر کی جانب سے جاری بیان کے مطابق کوئٹہ میں تین خودکش حملہ آوروں نے حملہ کرنے کی کوشش کی ۔

(جاری ہے)

سیکیورٹی فورسز نے بروقت کارروائی کرتے ہوئے دو خود کش حملہ آوروں کو کوئٹہ کے علاقے میاں غندی مغربی بائی پاس کے قریب ہلاک کردیا ۔ خود کش حملہ آوروں کا ہدف ایف سی چیک پوسٹ تھی ۔ تیسرے خود کش حملہ آور نے خود کو کوئٹہ کے علاقے ایئر پورٹ کے قریب پولیس کی گاڑی کو نشانہ بناتے ہوئے اڑا لیا ۔دھماکے کے نتیجے میں 5 پولیس اہلکار شہید اور سات زخمی ہوگئے ۔