کھٹوعہ کی کمسن بچی کی آبرو ریزی اور قتل کے خلاف مقبوضہ کشمیر میں احتجاجی مظاہرے،جھڑپوں میں30افراد زخمی
منگل 24 اپریل 2018 19:50
(جاری ہے)
جھڑپوں میں وامق اعجاز نامی ایک نوجوان زخمی ہوا،جس کے جسم پر پیلٹ لگے۔
زخمی کو فوری طور پر اسپتال منتقل کیا گیا۔طرفین کے درمیان چینی چوک،اچھہ بل اڈہ،لالچوک اور دیگر نواحی علاقوں میں بھی احتجاج کیا گیا۔ گورنمنٹ ڈگری کالج اننت ناگ میں بھی فورسز اور طلبہ کے درمیان جھڑپیں ہوئیں۔ گورنمنٹ ڈگری کالج کھنہ بل میں طلبہ نے کالج صحن میں حکومت مخالف نعرے بلند کئے۔ طلبہ جوں ہی کالج سے نکلنے کی کوشش کرنے لگے تو گیٹ کے باہر فورسز اہلکاروں نے باہر نکلنے کی اجازت نہیں دی جس پر طلبہ مشتعل ہوئے اور انہوں نے سنگ باری کی جس کے جواب میں فورسز اہلکاروں نے آنسو گیس کے گولے پھینکے۔ کھنہ بل میں افرا تفری مچ گئی اور آنا فانا دکانیں بند ہوگئیں۔اس دوران کالج انتظامیہ و طلبہ نے فورسز اہلکاروں پر الزام عائد کیا کہ انہوں نے کالج احاطے میں گھس کر کئی طلبہ و عملہ کو زد کوب کیا۔شلنگ و پتھراؤ کے سبب ایک طالب علم کا ہاتھ زخمی ہوا جبکہ کامرس پروفیسر غلام حسن ٹھوکر شل لگنے سے معمولی زخمی ہوگئے۔گورنمنٹ ہائیر اسکینڈری اسکول ڈورو و ڈگری کالج لارنو میں بھی واقع کو لے کر طلبہ نے پر امن احتجاج کیا۔ طلبہ نے کھریو چوک تک پر امن طور مارچ کیا جہاں بعد میں احتجاجی طلبا پر امن طور منتشر ہوئے ہیں۔ شوپیان میں طلبہ سڑکوں پر نکل آئے اور احتجاجی مظاہرے کئے جس کے دوران فورسز کے ساتھ جھڑپوں میں چار افراد زخمی ہوگئے۔ طلبا نے سڑکوں پر ایک احتجاجی مارچ کیا جو کوچنگ سینٹروں کو بند کئے جانے کے خلاف نعرے بازی کر رہے تھے۔ طلبہ ڈپٹی کمشنر کی رہائش گاہ کے پاس پہنچے تو انہوں نے ڈپٹی کمشنر کی رہائش گاہ پر پتھراو کیا۔ اسکے بعد ڈسٹرکٹ کورٹ کمپلیکس پر بھی پتھراو کیا گیاجس کے جواب میں پولیس فورسز نے شلنگ کی۔ پتھراو کے دوران دو طالب علموں سمیت چار افراد زخمی ہوگئے۔ دکانداروں نے دکانوں کے شٹر نیچے کئے اور سڑکوں پر سے ٹرانسپورٹ جزوی طور رہا۔ادھر کمدلن شوپیان میں ایڈیشنل ایس پی کی گاڑی پر طلبہ نے پتھراؤ کے ساتھ ساتھ پیٹرول بم پھینکا جبکہ پنجورہ شوپیان میں نوجوانوں نے آرمی کی کیس پر گاڑی پر پتھراو کیا جسکے جواب میں گاڑی میں موجود فوجی اہلکاروں نے ہوائی فائرنگ کی تاہم کو نقصان نہیں ہوا۔ ضلع بانڈی پورہ کے صدر کوٹ میں گورنمنٹ ہائی اسکول ملہ پورہ میں زیر تعلیم طلبہ احتجاج کرتے ہوئے کمسن بچی کو انصاف فرہم کرنے کا مطالبہ کیا۔احتجاجی طلاب نے اپنے ہاتھوں میں بینئر اور پلے کارر اٹھا رکھے تھے،جن پر کمسن بچی کے حق میں مختلف نعرے درج کئے گئے تھے۔ اجس میں بھی گورنمنٹ ہائی اسکول میں زیر تعلیم طلبہ نے احتجاج کیا۔طلبا نعرہ بازی کر رہے تھے،جبکہ انہوں نے پلے کارڑ بھی اٹھا رکھے تھے۔ فیاض بخاری کے مطابق بارہمولہ میں گورنمنٹ بائز ہائر اسکنڈری اسکول کے طالب علموں نے احتجاج کرتے ہوئے سڑکوں پرنکل کر زبردست نعرے بازی کی۔ فورسز اور طالب علموں کے درمیان جھڑپیں بھی ہوئیں ،جس کے بعد پولیس نے 70 طالب علموں کو گرفتار کیا۔ سوپور میں جامع قدیم ہائی اسکول میں زیر تعلیم طلبا کلاسوں کا بائیکاٹ کرتے ہوئے پیر کی صبح اسکول کے قریب جمع ہوگئے اور سانحہ کٹھوعہ کیخلاف احتجاج کرنے لگے۔طلبا نے بس اسٹینڈ تک مارچ کیا تاہم بس اسٹینڈ کے قریب پہنچنے پر یہاں پہلے سے تعینات فورسز اہلکاروں نے انہیں روکا اور آگے بڑھنے کی اجازت نہیں دی۔ احتجاجی طلبا جنہوں نے اپنے ہاتھوں میں پہلے کارڈ اور بینر اٹھارکھے تھے۔ طرفین کے مابین جھڑپیں ہوئیں۔ پولیس نے طلبا کو منتشر کرنے کیلئے لاٹھی چارج اور شلنگ کی۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.