محمد عامر کو برطانوی ویزا جاری،(کل)لندن روانہ ہوں گے

محمد عامر کنٹربری میں پاکستان ٹیم کو جوائن کریں گے جہاں کھلاڑی پہلے سے موجود ہیں

منگل 24 اپریل 2018 17:35

محمد عامر کو برطانوی ویزا جاری،(کل)لندن روانہ ہوں گے

لاہور(اُردو پوائنٹ اخبارتازہ ترین - آئی این پی۔ 24 اپریل2018ء) قومی کرکٹ ٹیم کے فاسٹ بولر محمد عامر کو برطانوی ویزا جاری کردیا گیا جس کے بعد وہ(کل)بدھ کو لندن روانہ ہوں گے۔فاسٹ بولر محمد عامر ویزا میں تاخیر کے باعث قومی ٹیم کے ہمراہ برطانیہ نہیں جاسکے تھے تاہم اب ان کا ویزا جاری ہوچکا ہے جس کے بعد وہ(آج) لاہور کے علامہ اقبال انٹرنیشنل ایئرپورٹ سے برطانیہ کے لیے روانہ ہوں گے۔

محمد عامر کنٹربری میں پاکستان ٹیم کو جوائن کریں گے جہاں کھلاڑی پہلے سے موجود ہیں۔

(جاری ہے)

یاد رہے کہ پاکستان ٹیم اتوار اور پیر کی درمیانی شب دورہ برطانیہ اور آئرلینڈ کے لیے روانہ ہوئی تھی، قومی ٹیم آئرلینڈ کے خلاف واحد ٹیسٹ 11 مئی کو کھیلے گی جب کہ انگلینڈ کے خلاف بھی 2 ٹیسٹ میچز پر مشتمل سیریز شیڈول ہے۔لندن پہنچنے والے کھلاڑیوں میں کپتان سرفراز احمد، اظہر علی، امام الحق، سمیع اسلم، حارث سہیل، بابر اعظم، فخر زمان، سعد علی، اسد شفیق، اسامہ صلاح الدین، شاداب خان، حسن علی، راحت علی اور فہیم اشرف شامل ہیں۔فاسٹ بالر محمد عباس پہلے ہی انگلینڈ میں موجود تھے جو کانٹی کرکٹ کھیل رہے ہیں۔