پاکستان سپر کبڈی لیگ ، تمام فرنچائزز نے کوچز کا انتخاب کر لیا

ایونٹ یکم سے 10 مئی تک لاہور میں کھیلا جائیگا، لیگ میں 10 ٹیمیں شرکت کر رہی ہیں

پیر 23 اپریل 2018 19:42

پاکستان سپر کبڈی لیگ ، تمام فرنچائزز نے کوچز کا انتخاب کر لیا
لاہور(اُردو پوائنٹ اخبارتازہ ترین - آئی این پی۔ 23 اپریل2018ء) پاکستان سپر کبڈی لیگ کے ڈرافٹس میںتمام فرنچائزز کے کوچز کا انتخاب کر لیا گیا۔زاہد رشید(پشاور)، عدنان ارشد (کشمیر)، راحت مقصود (گجرات)، محمد شفیق(ساہیوال)، غلام محمد(کراچی)، سیف اللہ(اسلام آباد)، مبشر اقبال (فیصل آباد)، اقرار حسین(لاہور)، بادشاہ گل(گوادر)، غلام علی بٹ(ملتان)کے کوچ کے طور پر منتخب ہو ئے۔

(جاری ہے)

لیگ کیلئے کھلاڑیوں کو پلاٹینم، گولڈ اور غیرملکی پلیئرز کی کٹیگریز میں تقسیم کیا گیا ہے، غیرملکی کٹیگری میں مجموعی طور پر 16 کھلاڑی شامل ہیں جن میں ایران کے 5، سری لنکا، عراق، کینیا، بنگلہ دیش اور ملائیشیاکے 2، 2 جبکہ جاپان کا ایک کھلاڑی ڈرافٹنگ میں شامل ہے۔گولڈ کٹیگری میں 90، پلاٹینم میں 20 قومی کھلاڑی ڈرافٹ کا حصہ ہیں، ایونٹ یکم سے 10 مئی تک لاہور میں شیڈول ہے، لیگ میں شریک 10 ٹیمیں شرکت کر رہی ہیں، جن میں پشاور، کشمیر، گجرات، ساہیوال، کراچی، اسلام آباد، فیصل آباد، لاہور، گوادر اور ملتان کی ٹیمیں شامل ہیں۔ ہر ٹیم 2 پلاٹینم، 7 گولڈ اور 1 غیرملکی کھلاڑی کا انتخاب کرے گی۔