کوئٹہ ،پولیو ٹیم پر نامعلوم موٹر سائیکل سواروں کا حملہ ،ایک شدید زخمی

پیر 23 اپریل 2018 17:05

کوئٹہ (اُردو پوائنٹ اخبارتازہ ترین - آن لائن۔ 23 اپریل2018ء) کوئٹہ میں پولیو ٹیم پر نامعلوم موٹر سائکل سواروں نے چاقو سے حملہ کر دیا جس سے ایک پو لیو ورکر شدید زخمی ہو گیا جسے ابتدائی طبعی امداد فراہم کرنے کے لئے سول ہسپتال پہنچا دیا گیا۔

(جاری ہے)

تفصیلات کے مطابق کوئٹہ کے علاقے نواکلی میں پولیو ورکرز بچوں کو قطرے پلانے میں مصروف تھے کہ اچانک نا معلوم مسلح موٹر سائکل پر سوار افراد نے پولیو ٹیم پر چاقو سے حملہ کر دیا جس کے نتیجے میں ایک ورکر شدید زخمی ہو گیا جسے طبعی امداد فراہم کرنے کے لئے کوئٹہ کے سول ہسپتال منتقل کر دیا جبکہ واقع کے بعد موٹر سائکل سوار فرار ہونے میں کامیاب ہو گئے پولیس نے بھی علاقے میں سرچ آپریشن شروع کر دیا