جیکب آباد،سی آئی اے پولیس کی کارروائی، کرکٹ بکی جوا پرچھاپہ، 6 جواری گرفتار، 15 ہزارنقد ی ، 6 موبائل فونزبرآمد

پیر 23 اپریل 2018 15:50

جیکب آباد(اُردو پوائنٹ اخبارتازہ ترین - این این آئی۔ 23 اپریل2018ء) سی آئی اے پولیس کی کارروائی، کرکٹ بکی جوا پرچھاپہ، 6 جواری گرفتار، 15 ہزارنقد ی ، 6 موبائل فونز اور بکی کا سامان برآمد۔

(جاری ہے)

تفصیلات کے مطابق جیکب آباد میں ایس ایس پی جیکب آباد کیپٹن رٹائرڈ فیصل عبداللہ چاچڑ کی ہدایات برائے سماجی برائیوں کی روکتھام کو مدنظر رکھتے ہوئے انچارج سی آئی اے 1 سب انسپکٹر منظور احمد ڈومکی نے بمعہ اسٹاف خفیہ اطلاع ملنے پر تھانہ صدر کی حدود جڑیا چوک پر کرکٹ بکی جوا پر چھاپے کے دوران 6 جواریوں کو گرفتار کر لیا، جبکہ جواریوں کے قبضے سے 15000 نقد ی، 6 موبائل فونز اور بکی کا سامان ٹیلی ویژن اور رسیور برآمد کر لیے گئے ہیں، گرفتار جواریوں کے خلاف صدر تھانہ پر مقدمہ درج کرلیا گیا ہے۔