رابی پیرزادہ نے تن تنہا اپنی فلم کے لئے شور شرابا شروع کر دیا

فلم ’’ شور شرابا‘‘ 27اپریل کو ریلیز ہو گی ،تشہیری مہم کا آغاز کر دیا گیا

پیر 23 اپریل 2018 13:41

رابی پیرزادہ نے تن تنہا اپنی فلم کے لئے شور شرابا شروع کر دیا

لاہور (اُردو پوائنٹ اخبارتازہ ترین - این این آئی۔ 23 اپریل2018ء) گلوکارہ و اداکارہ رابی پیرزادہ نے تن تنہا اپنی فلم ’’ شور شرابا ‘‘ کیلئے شور شرابا شروع کر دیا۔

(جاری ہے)

تفصیلات کے مطابق رابی پیرزادہ کی بطور فلمی ہیروئن پہلی فلم ’’ شور شرابا ‘‘ 27اپریل کو سینما گھروں میں ریلیز ہو رہی ہے جس کے لئے اداکارہ رابی پیرزادہ نے ابتدائی طور پر اکیلے ہی فلم کی تشہیری مہم کا آغاز کر دیا ہے ۔

ذرائع کے مطابق آئندہ دو تین روز میں فلم کی دیگر کاسٹ بھی تشہیری مہم کا حصہ بن جائے گی ۔ میگا بجٹ سے بننے والی فلم میں بڑے سٹار شامل ہیں جن میں مصطفی قریشی ،اچھی خان ،راحیلہ آغا ،میرا ،لیلیٰ ،سخاوت ناز ،موسیٰ خان ،عدنان خان سمیت دیگر شامل ہیں ۔ فلم کے پروڈیوسر سہیل خان اور ہدایتکار حسنین حیدر آباد والے ہیں جن کا تعلق بالی ووڈ سے ہے ۔