شاہ رخ نے اپنی بیٹی کو محفوظ رکھنے کے اصول بتا دیئے

جو لڑکا سہانا خان کیساتھ معاشقہ لڑانے کی خواہش رکھتا ہے تو اسے سات اصولوں پر پورا اترنا ہو گا اگر کسی لڑکے نے سہانا کا بوسہ لینے کی کوشش کی تو میں اس کے ہونٹ کاٹ دوں گا‘ شاہ رخ

پیر 23 اپریل 2018 11:40

نئی دہلی (اُردو پوائنٹ اخبارتازہ ترین - این این آئی۔ 23 اپریل2018ء) شاہ رخ خان اور ان کی بیٹی سہانا خان کے درمیان پیار تو سب نے ہی دیکھ رکھا ہے اور وہ ایک بہترین باپ ثابت ہوئے ہیں جو اپنی بیٹی کی خوب پرواہ کرتے ہیں۔شاہ رخ خان ہمیشہ اپنے بچوں کیساتھ دوستوں کی طرح پیش آئے لیکن جب سے سہانا خان نے نوجوانی کی دہلیز پر قدم رکھا ہے تو شاہ رخان کے اندر بھی ایک ’روائتی‘ باپ جاگ اٹھا ہے جنہوں کا کہنا ہے کہ اگر کسی لڑکے نے سہانا کا بوسہ لینے کی کوشش کی تو وہ اس کے ہونٹ کاٹ دیں گے۔

اب یہ انکشاف بھی سامنے آیا ہے کہ انہوں نے اپنی بیٹی کے ساتھ معاشقہ لڑانے کے خواہشمند لڑکوں کیلئے 7 اصول بھی وضع کر دئیے ہیں جن کو جان کر آپ بے اختیار کہہ اٹھیں گے ’’سہانا سے دور ہی رہیں تو اچھا ہے۔

(جاری ہے)

‘‘ایک انٹرویو میں گفتگو کرتے ہوئے شاہ رخ خان کا کہنا تھا جو بھی لڑکا سہانا خان کیساتھ معاشقہ لڑانے کا خواہشمند ہے تو اسے ذیل میں دئیے گئے ان سات اصولوں کو یاد رکھنا ہو گا۔

1۔ نوکری حاصل کرو۔2۔ اس بات کو سمجھو کہ میں تمہیں پسند نہیں کرتا۔3۔ میں ہر جگہ پر ہوں۔4۔ ایک وکیل بھی ڈھونڈ لو۔5۔ سہانا میری شہزادی ہے ، تمہاری فتح نہیں۔6۔ میں واپس جیل جانے پر برا نہیں منائوں گا۔7۔ تم جو بھی سہانا کیساتھ کرو گے، میں تمہارے ساتھ وہی کروں گا۔جی ہاں! اب جو بھی لڑکا سہانا خان کیساتھ معاشقہ لڑانے کی خواہش رکھتا ہے تو اسے اور کچھ نہیں تو کم از کم ان سات اصولوں پر پورا اترنا ہو گا کیونکہ شاہ رخ خان بھی ایک ایسے ہی باپ ہیں جو ہر حال میں اپنی بیٹی کو محفوظ رکھنا چاہتے ہیں۔

متعلقہ عنوان :