محکمہ پولیس جرائم میں کمی کے لیے تمام تھانوں میں ایماندار آفیسران کو تعینات کرے، منشیات فروشوں کی سرپرستی کرنے والے پولیس اہلکاروں کیخلاف کاروائی کی جائے، تاکہ آنے والی نسل کو جرائم اور منشیات سے پاک معاشرہ مل سکے

مظفر آباد کے سیاسی و سماجی رہنما ء راجہ عدیل نسیم کی صحافیوں سے بات چیت

اتوار 22 اپریل 2018 23:20

مظفرآباد (اُردو پوائنٹ اخبارتازہ ترین - آئی این پی۔ 22 اپریل2018ء) مظفر آباد کے سیاسی و سماجی رہنما ء راجہ عدیل نسیم نے کہاہے کہ محکمہ پولیس جرائم میں کمی کے لیے تمام تھانوں میں ایماندار آفیسران کو تعینات کرے، منشیات فروشوں کی سرپرستی کرنے والے پولیس اہلکاروں کے خلاف کاروائی کی جائے، تاکہ آنے والی نسل کو جرائم اور منشیات سے پاک معاشرہ مل سکے، ان خیلات کااظہار انہوں نے گزشتہ روز صحافیوں سے گفتگو کرتے ہوئے کیا ان کا کہنا تھاکہ اگر ہم اپنی آنے والی نسل کو جرائم اور منشیات سے پاک معاشرہ دینا چاہتے ہیں تو محکمہ پولیس کو منشیات فروشوں کی سرپرستی کرنے والے پولیس اہلکاروں کے خلاف کاروائی کرنے پڑے گی ، مظفرآباد سمیت آزاد کشمیر بھر میں نوجوان نسل کو پولیس کے کچھ اہلکار اپنی سرپرستی میں منشیات کی خرید و فروخت پر لگا رہے ہیں ، جس سے آنے والی نسل تباہی کے دھانے کی طرف جارہی ہے، راجہ عدیل نسیم نے انسپکٹر جنرل پولیس آزادکشمیر سے مطالبہ کیا کہ اگر جرائم میں کمی لانی ہے تو تمام تھانوں اور پولیس چوکیوں پر ایماندار آفیسران کو تعینات کریں ، تا کہ جرائم کی شرح میں کمی لا کر نوجوانوں کو بھی ان جرائم سے دور رکھا جاسکے۔