کے الیکٹرک نے احتجاج کے بعد لوڈشیڈنگ میں مزید اضافہ کردیا

مستثنیٰ علاقوں میں بجلی کی بندش کا دورانیہ 8 گھنٹے تک پہنچ گیا، مضافاتی علاقوں میں 14 گھنٹے بجلی بند

ہفتہ 21 اپریل 2018 16:20

کراچی (اُردو پوائنٹ اخبارتازہ ترین - این این آئی۔ 21 اپریل2018ء) نیپرا کی جانب سے نوٹس لینے اور سیاسی جماعتوں کے احتجاج کے باوجود کے الیکٹرک نے ہٹ دھرمی کا مظاہرہ کرتے ہوئے لوڈشیڈنگ میں مزید اضافہ کردیا۔کے الیکٹرک کی جانب سے کراچی میں لوڈشیڈنگ میں مزید اضافہ کردیا گیا ہے۔ تفصیلات کے مطابق مستثنیٰ علاقوں میں بجلی کی بندش کا دورانیہ 8 گھنٹے تک پہنچ گیا ہے جبکہ مضافاتی علاقوں میں 14 گھنٹے بجلی بند کی جارہی ہے۔

(جاری ہے)

کے الیکٹرک گیس کی کمی جواز بناکر شہر میں اندھا دھند لوڈشیڈنگ کر رہی ہے جس کے نتیجے میں شہر کے بیشتر علاقے تاریکی میں ڈوبے ہوئے ہیں۔ کے الیکٹرک کے خلاف سیاسی جماعتوں کے احتجاج کے بعد لوڈشیڈنگ میں مزید شدت آگئی ہے۔ فیڈر ٹرپنگ اور فنی خرابی کے نام پر بھی گھنٹوں بجلی بند کی جارہی ہے۔مستثنیٰ علاقوں میں گلشن اقبال، نارتھ ناظم آباد، گلستان جوہر، پی ای سی ایچ سوسائٹی، محمد عملی سوسائٹی، ایف بی ایریا سمیت دیگر علاقے شامل ہیں۔ جن علاقوں میں 14 گھنٹے تک بجلی بند کی جارہی ہے ان میں اورنگی ٹان، کورنگی، لانڈھی، کیماڑی، احسن آباد، گلشن معمار، سرجانی ٹان، بلدیہ ٹان، کیماڑی، مواچھ گوٹھ اور مشرف کالونی سمیت مختلف علاقے شامل ہیں۔