آفریدی کا سرینگر کی جامع مسجد میں ٹیلیفونک خطاب ،ْ

قابض انتظامیہ نے انٹر نیٹ سروس معطل کر دی

ہفتہ 21 اپریل 2018 13:26

آفریدی کا سرینگر کی جامع مسجد میں ٹیلیفونک خطاب ،ْ

اسلام آباد (اُردو پوائنٹ اخبارتازہ ترین - این این آئی۔ 21 اپریل2018ء) پاکستانی اسٹار کرکٹر شاہد خان آفریدی نے گزشتہ روز نمازجمعہ کے دوران مقبوضہ کشمیر کے دارالحکومت سرینگر کی جامع مسجد میں ٹیلی فونک خطاب کیا۔بھارتی میڈیاکے مطابق اس موقع پر انتظامیہ نے شہر میں انٹرنیٹ سروس معطل کردی تھی تاکہ آفریدی کے خطاب کو بڑے پیمانے پر نہ سنا جا سکے۔

(جاری ہے)

میڈیا رپورٹس کے مطابق شاہد آفریدی نے گزشتہ ہفتے خطاب کرنا تھا تاہم بھارتی انتظامیہ کی پابندیوں کی وجہ سے نمازِ جمعہ کا اجتماع نہیں ہو سکا تھا جس کی وجہ سے شاہد آفریدی خطاب موخر کر دیا گیا تھا۔شاہد آفریدی نے پچھلے دنوں کشمیری عوام پر بھارتی مظالم کے خلاف آواز بلند کی تھی جس پر انہیں بھارتی کھلاڑیوں کی طرف سے سخت تنقید کا سامنا کرنا پڑا تھاتاہم شاہدآفریدی اپنے موقف پر ڈٹے رہے۔