شمالی وزیرستان کے متاثرہ تاجروں اور پولیٹکل انتظامیہ کے درمیان مذاکرات کامیاب ،ْ

اسلام آباد میں جاری دھرنا ختم ڈی جی آئی ایس پی آر کی تاجروں اور دوکانداروں سے ملاقات ،ْ نقصانات کے ازالے کی یقین دہانی کرائی

ہفتہ 21 اپریل 2018 13:26

اسلام آباد (اُردو پوائنٹ اخبارتازہ ترین - این این آئی۔ 21 اپریل2018ء) شمالی وزیرستان کے متاثرہ تاجروں اور پولیٹکل انتظامیہ کے درمیان مذاکرات کامیاب ہوگئے جس کے بعد اسلام آباد میں جاری دھرنا ختم کر دیا گیا۔

(جاری ہے)

میڈیا رپورٹ کے مطابق مذاکرات میں پیش رفت شمالی وزیرستان کے وفد کی ڈی جی آئی ایس پی آر میجر جنرل آصف غفور سے ملاقات کے دوران ہوئی۔ شمالی وزیرستان کے تاجروں اور دکانداروں نے ڈی جی آئی ایس پی آر میجر جنرل آصف غفور سے 4 گھنٹے طویل ملاقات کی جس میں ڈی جی آئی ایس پی آر نے ان کے نقصانات کے ازالے کی یقین دہانی کرائی۔میڈیا رپورٹ کے مطابق متاثرہ تاجروں کے نمائندہ وفد اور پولیٹیکل انتظامیہ کے درمیان معاہدے کو تحریری شکل دی گئی جس پر فریقین نے دستخط کیے ہیں۔