چیئرمین جوائنٹ چیفس آف سٹاف کمیٹی جنرل زبیر محمود حیات سے ائیر چیف مارشل مجاہد انور خان کی ملاقات

جمعہ 20 اپریل 2018 22:06

اسلام آباد ۔ (اُردو پوائنٹ اخبارتازہ ترین - اے پی پی۔ 20 اپریل2018ء) چیئرمین جوائنٹ چیفس آف سٹاف کمیٹی جنرل زبیر محمود حیات سے پا ک فضائیہ کے سربراہ ائیر چیف مارشل مجاہد انور خان نے جوائنٹ سٹاف ہیڈ کوارٹرزمیں ملاقات کی۔

(جاری ہے)

اس ملاقات میں پاک فضائیہ کی آپریشنل تیاریوں کے امور زیر بحث آئے۔ترجمان پاک فضائیہ کے مطابق چیئرمین جوائنٹ چیفس آف سٹاف کمیٹی نے پاک فضائیہ کی آپریشنل اور تربیتی معیارات کو سراہا۔ ائیر چیف نے ہر طرح کے خطرات سے ملکی فضائی سرحدوں کے دفاع کے عزم کا اعادہ کیا۔