پاکستان اورپولینڈ کا دفاعی شعبے میں دوطرفہ تعاون کو فروغ دینے پر اتفاق

افغانستان اور خطے میں امن اوراستحکام کے فروغ اور سیکیورٹی کے حوالے سے پاکستانی موقف اور کوششوں سے آگاہ کیا

جمعہ 20 اپریل 2018 21:28

وارسا(اُردو پوائنٹ اخبارتازہ ترین - آئی این پی۔ 20 اپریل2018ء) پاکستان اورپولینڈ نے دفاعی شعبے میں دوطرفہ تعاون کو فروغ دینے پر اتفاق کیاہے،پاکستان نے افغانستان اور خطے میں امن اوراستحکام کے فروغ اور سیکیورٹی کے حوالے سے پاکستانی موقف اور کوششوں سے آگاہ کیا۔ غیر ملکی میڈیا کے مطابق پاکستان اورپولینڈ نے دفاعی شعبے میں دوطرفہ تعاون کو فروغ دینے پر اتفاق کیاہے۔

(جاری ہے)

وزیردفاع خرم دستگیر نے وارسا میں پولینڈ کے ہم منصب سے ملاقات کی۔خرم دستگیرنے افغانستان اور خطے میں امن اوراستحکام کے فروغ اور سیکیورٹی کے حوالے سے پاکستان کے موقف اور کوششوں سے آگاہ کیا۔ ملاقات میں پاکستان اور پولینڈ کے درمیان موجودہ دفاعی تعاون کے بارے میں تبادلہ خیال ہوا۔ تعلقات کو مزید فروغ دینے سے متعلق مختلف تجاویز زیر غور آئیں۔ اس موقع پر پولینڈ کے وزیر دفاع نے کہاکہ پولینڈ پاکستان کے ساتھ تعلقات کو بڑی اہمیت دیتا ہے۔ ان تعلقات کو مزید فروغ دینے کا خواہاں ہے۔