صوبہ کی ترقی وخوشحالی میں اقلیتی برادری کا کردار اہم ہے ، گورنرسندھ
اقلیتی برادری کو مکمل مذہبی آزادی ، تمام شعبہ ہائے زندگی میں ترقی کے یکساں مواقع حاصل ہیں ،محمد زبیر پاکستان میں بلا تفریق تمام اکائیوں کو یکساں مواقع حاصل ہیں، اقلیتی برادری کے وفد سے ملاقات میں اظہار
جمعہ 20 اپریل 2018 18:57
(جاری ہے)
ملاقات میں مذہبی ہم آہنگی کے فروغ ، صوبہ کی ترقی و خوشحالی میں اقلیتی برادری کے کردار ، سماجی شعبہ ، قومی ترقی اور دیگر شعبہ ہائے زندگی میں اقلیتی برادری کی خدمات سمیت اہمیت کے حامل دیگر امور پر تفصیلی تبادلہ خیال کیا گیا ۔
گورنرسندھ نے مزید کہا کہ صوبہ میں اقلیتی برادری کو مکمل مذہبی آزادی ، سماجی اور دیگر شعبہ ہائے زندگی میں ترقی کے یکساں مواقع حاصل ہیں جبکہ ترقیاتی کاموں میں ان کی زیادہ سے زیادہ شمولیت کو یقینی بنایا جا رہا ہے ، صوبہ کی ترقی وخوشحالی میں اقلیتی برادری کے کردار کو فراموش نہیں کیا جا سکتا ،حکومت پاکستان کوعالمی معاشی نقشہ پر نمایاں مقام دلانے کے لئے پر عزم ہے اس ضمن میں اقلیتی برادری کا کردار انتہائی اہمیت کا حامل ہے ۔انہوں نے کہا کہ تمام مذاہب برداشت کے رویہ کے فروغ کا درس دیتے ہیں ہمیں بھی معاشرہ میںعدم برداشت کے رویہ کے خاتمہ کے لئے کام کرنا ہوگا ، عدم برداشت کے رویہ نے معاشرہ میں بگاڑ پیدا کیا جس سے خرابیوں نے جنم لیا۔ انہوں نے کہا کہ وفاق کے تعاون سے صوبہ کے متعدداضلاع میں ترقیاتی منصوبے شروع کردیئے گئے ہیں ، ان منصوبوں میں اقلیتی برادری کے علاقوں کو بھی بھرپور طریقہ سے شامل کیا گیا ہے ، ٹھٹھہ میں ہیلتھ کارڈ ز کی تقسیم میں تمام اکائیوں کی شمولیت کو یقینی بنایا گیا ہے جو کہ موجودہ حکومت کا وژن بھی ہے۔ انہوں نے کہا کہ صوبہ سمیت پورے پاکستان میں اقلیتی برادری کو پارلیمنٹ ،عدلیہ ، انتظامیہ ، سماجی، معاشی اور اقتصادی شعبوں میں مناسب نمائندگی حاصل ہے ، اقلیتی برادری سے وابستہ افراد پارلیمنٹ میں قانون سازی میں بھی بھرپور حصہ لے رہے ہیں جو اس بات کا واضح ثبوت ہے کہ پاکستان میں بلا تفریق تمام اکائیوں کو یکساں مواقع حاصل ہیں ۔ ملاقات میں شام سندر ایڈوانی نے گورنرسندھ کو بتایا کہ اقلیتی برادری صوبہ کی ترقی و خوشحالی میں بھرپور انداز میں کام کررہی ہے ، قومی جذبہ سے سرشار اقلیتی برادری پاکستان کو عالمی معاشی نقشہ پر نمایاں مقام دلانے کے لئے بھرپور خدمات انجام دے رہی ہے اس ضمن میں مذہبی تہواروں میں پاکستان کی سلامتی ، استحکام اور خوشحالی کے لئے خصوصی دعائیہ تقریبات کا اہتما م بھی کیا جا تا ہے جو ان کی وطن سے محبت کا والہانہ اظہار ہے ۔انہوں نے کہا کہ موجودہ حکومت کے اقدامات کے باعث اقلیتی برادری کے افراد کو بھی معیار زندگی بلند کرنے اور روزگار کے مواقعوں کی دستیابی سے غربت کے خاتمہ میں مدد مل رہی ہے اس ضمن میں سرکاری ملازمتوں میں اقلیتوں کے لئے مختص 5 فیصد کوٹہ پر عملدرآمد سے مزید بہتری یقینی ہے ۔ گورنرسندھ نے کہا کہ وہ اس ضمن میں وفاقی حکومت سے بات کرینگے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.