لائن آف کنٹرول پر بھارتی فوجیوں کی فائرنگ سے پاکستانی لڑکی جاں بحق

جمعہ 20 اپریل 2018 15:50

مظفر آباد(اُردو پوائنٹ اخبارتازہ ترین - این این آئی۔ 20 اپریل2018ء) آزاد جموں و کشمیر میں لائن آف کنٹرول پر بھارتی فوجیوں کی بلا اشتعال فائرنگ سے زخمی ہونے والی پاکستانی لڑکی جاں بحق ہوگئی۔

(جاری ہے)

ضلع پونچھ کے ڈپٹی کمشنر راجا طاہر ممتاز نے نجی ٹی وی کو بتایا کہ 18 اپریل کو بٹل سیکٹر کی تحصیل ہجرا میں ایل او سی سے 200 فٹ دور ایک گھر کی 15 سالہ آمنہ مسکین بھارتی فوجی کی فائرنگ سے زخمی ہو گئی تھی۔

انہوں نے بتایا کہ لڑکی صبح 5 بجے اپنے گھر کی صحن میں آئی تو بھارتی فوجیوں نے اسنائپر سے اسے نشانہ بنایا۔راجا طاہر نے بتایا کہ زخمی آمنہ مسکین کو اسلا آباد کے ہسپتال میں منتقل کیا گیا تاہم ڈاکٹروں کی کوششوں کے باوجود وہ جانبر نہ ہو سکی بعد ازاں متوفی کی گزشتہ روز تدفین بھی کردی گئی۔