کرپٹ لوگوں کے نہ نکلنے تک طالع آزماؤں کا خطرہ رہے گا ،ْشیخ رشید

پی ٹی آئی کے ساتھ ہیں اور عمران خان کے ساتھ مل کر الیکشن لڑیں گے ،ْسربراہ عوامی مسلم لیگ گوجرانوالہ کے ڈی سی کو پنکھے سے لٹکا دیا، پھر کہتے ہیں بہت زبردست گورننس ہے ،ْ میڈیا سے گفتگو

جمعہ 20 اپریل 2018 14:52

کرپٹ لوگوں کے نہ نکلنے تک طالع آزماؤں کا خطرہ رہے گا ،ْشیخ رشید

رحیم یار خان(اُردو پوائنٹ اخبارتازہ ترین - این این آئی۔ 20 اپریل2018ء) عوامی مسلم لیگ کے سربراہ شیخ رشید احمد نے کہاہے کہ جب تک کرپٹ لوگ نہیں نکلیں گے تب تک غیر آئینی اقدام اور طالع آزماؤں کا خطرہ رہے گا۔میڈیا سے گفتگو کرتے ہوئے شیخ رشید احمد نے کہا کہ ہم پی ٹی آئی کے ساتھ ہیں اور عمران خان کے ساتھ مل کر الیکشن لڑیں گے۔انہوں نے کہا کہ کیا کوئی آدمی سوچ سکتاہے کہ جج کے گھر پر ایک دن میں دو مرتبہ فائرنگ ہو ،ْایسے ملک میں غریب کیسے محفوظ ہوسکتے ہیں، گوجرانوالہ کے ڈی سی کو پنکھے سے لٹکا دیا، پھر کہتے ہیں بہت زبردست گورننس ہے۔

شیخ رشید احمد نے کہا کہ حکمران احتساب میں نہیں ،ْختم نبوت کیخلاف چور دروازے سے یکام کرنے پر اللہ کی پکڑ میں آئے ہیں، سوائے میرے سارے مولیوں نے ختم نبوت کے خلاف ووٹ دیا اور مولانا فضل الرحمان نے پہلی مرتبہ اس معاملے پر میرا شکریہ ادا کیا۔

(جاری ہے)

عوامی مسلم لیگ کے سربراہ نے کہا کہ ملک میں پینے کا پانی نہیں ،ْلوگ ہیپاٹائٹس سے مررہے ہیں، لوگ آج جنوبی پنجاب کی بات کرتے ہیں، میں زمانہ طالب علمی سے کرتا ہیں، پنجاب کو تقسیم کرکے اس کی بدمعاشی کو ختم کیا جائے، سارے ممبران قومی اسمبلی بھیڑ بکریاں ہیں، دنیا کی تاریخ میں کسی آدمی کا اسپیکر اتنی مرتبہ بند نہیں ہوا جتنا میرا ہوا۔

شیخ رشید احمد نے کہا کہ ختم نبوت کے موقع پر مجھے اسمبلی میں ٹائم ملا اور میں نے تڑکا لگادیا اور ایسا لگایا کہ انہوں نے مجھ سے معافیاں مانگیں۔شیخ رشید نے کہا کہ جب تک کرپٹ لوگ نہیں نکلیں گے تب تک غیر آئینی اقدام اور طالع آزماؤں کا خطرہ رہے گا۔