گورنرخیبرپختونخواکے زیرصدارت عبدالولی خان یونیورسٹی مردان کی سینیٹ کا اجلاس

پشاور۔ (اُردو پوائنٹ اخبارتازہ ترین - اے پی پی۔ 17 اپریل2018ء) گورنرخیبرپختونخواانجینئراقبال ظفرجھگڑا نے کہا ہے کہ جامعات اعلی تحقیق وتخصیص کے شعبوں پرتوجہ دے ا ورایسے محققین پیدا کریں جو جدید دور کے تقاضوں کے مطابق اپنے اپنے متعلقہ شعبوں میں ملک وقوم کی ر ہنمائی کرسکیں۔ وہ منگل کے روز گورنرہاؤس پشاورمیں عبدالولی خان یونیورسٹی مردان کی سینیٹ کے اجلاس سے خطاب کررہے تھے۔

(جاری ہے)

اجلاس میں صوبائی وزیر برائے اعلی تعلیم مشتاق احمدغنی، سیکرٹری ہائیرایجوکیشن،یونیورسٹی کے وائس چانسلر ،سینٹ کے ارکان ،پرنسپل سیکرٹری برائے گورنرمنیراعظم اوردیگر متعلقہ حکام موجودتھے۔یونیورسٹی کے وائس چانسلر نے اجلاس کو یونیورسٹی کی کارکردگی کے حوالے سے تفصیلی بریفنگ دی۔ اجلاس میں یونیورسٹی کے سالانہ بجٹ برائے سال 2017-18 اور2018-2019 کی منظوری دی گئی۔ گورنر نے یونیورسٹی انتظامیہ کوہدایت کی کہ وہ یونیورسٹی کے خسارے کم سے کم کریں اور اپنے وسائل بڑھانے کیلئے اقدامات کریں۔