امریکی ٹینس کھلاڑی ڈونلڈسن ٖغلط فیصلہ دینے پر کورٹ پر ہی ایمپائر پر برس پڑے

منگل 17 اپریل 2018 17:47

مونٹی کارلو ۔ (اُردو پوائنٹ اخبارتازہ ترین - اے پی پی۔ 17 اپریل2018ء) امریکی ٹینس کھلاڑی جیرڈ ڈونلڈسن غلط فیصلہ دینے پر کورٹ پر ہی ایمپائر پر برس پڑے، میچ ختم ہونے کے بعد ایمپائر سے ہاتھ ملائے بغیر ہی چل دیئے، ڈونلڈسن کو مونٹی کارلو ماسٹرز اوپن ٹینس ٹورنامنٹ مینز سنگلز پہلے رائونڈ میں حریف اسپینش کھلاڑی راموس وینولاس کے ہاتھوں 6-3 اور 6-3 سے شکست کا سامنا کرنا پڑا تھا۔

(جاری ہے)

ذرائع ابلاغ کے مطابق مونٹی کارلو ماسٹرز کے پہلے رائونڈ میچ کے دوران اسپینش کھلاڑی راموس کی سروس جو کہ آئوٹ تھی لیکن ایمپائر آرناٹ گاباس نے اسے ان قرار دے دیا جس پر ڈونلڈسن ایمپائر پر برس پڑے، بعدازاں وڈیو ری پلے میں بھی دیکھا گیا کہ ڈونلڈسن صحیح تھے لیکن ایمپائر نے ہاک آئی استعمال نہیں کی۔ ڈونلڈسن نے شکست کے بعد مخالف کھلاڑی سے اپنے رویے پر معافی مانگی لیکن ایمپائر سے ہاتھ ملائے بغیر ہی چلے گئے۔

Facebook Twitter Google + Share on Whatsapp

امریکی ٹینس کھلاڑی ڈونلڈسن ٖغلط فیصلہ دینے پر کورٹ پر ہی ایمپائر پر برس پڑے

متعلقہ عنوان :

مزید کھیلوں کی خبریں