نوازشریف کی نااہلی پر احتجاج،خاتون ایم پی اے ودیگرکیخلاف مقدمہ درج

ثنااللہ ناگرہ منگل 17 اپریل 2018 16:28

اسلام آباد(اُردوپوائنٹ اخبارتازہ ترین۔17 اپریل 2018ء) : تھانہ سیکرٹریٹ اسلام آباد نے ن لیگی کارکنا ن کیخلاف مقدمہ درج کرلیا،مقدمہ نوازشریف کی تاحیات نااہلی پراحتجاج کے دوران عدلیہ مخالف نعرے بازی پرکیا گیا ہے۔

(جاری ہے)

میڈیا رپورٹس کے مطابق مسلم لیگ ن کے قائد نوازشریف کی تاحیات نااہلی پرپارٹی کارکنان نے احتجاج کیا۔ تھانہ سیکرٹریٹ پولیس نے کارکنان کے خلاف دو روز بعد مقدمہ درج کرلیا ہے۔ مقدمے میں عدلیہ مخالف نعرے بازی اور دیگر دفعات بھی شامل کی گئی ہیں۔تھانہ سیکرٹریٹ پولیس نے مقدمہ ن لیگ کی خاتون ایم پی اے تحسین جواد سمیت دیگر کیخلاف درج کیا ہے۔