بال ٹمپرنگ کے عادی عمران جعلسازی کے بغیرنہیں رہ سکتے۔سعدرفیق
تازہ ترین : 1

بال ٹمپرنگ کے عادی عمران جعلسازی کے بغیرنہیں رہ سکتے۔سعدرفیق

بال ٹمپرنگ کے عادی عمران جعلسازی کے بغیرنہیں رہ سکتے۔سعدرفیق
لاہور(اردوپوائنٹ اخبارتازہ ترین-انٹرنیشنل پریس ایجنسی۔17 اپریل۔2018ء) وفاقی وزیر ریلوے خواجہ سعدرفیق نے عمران خان پر تنقید کرتے ہوئے کہا کہ عمران خان کبھی صادق اور امین نہیں رہے، بال ٹمپرنگ کے عادی عمران جعلسازی کے بغیرنہیں رہ سکتے۔تفصیلات کے مطابق وفاقی وزیر ریلوے خواجہ سعدرفیق نے سماجی رابطے کی ویب سائٹ ٹوئٹر پر اپنے بیان میں کہا ہے کہ عوام سب کچھ دیکھ اورمحسوس کررہے ہیں، سیاسی ٹمپرنگ ناکام ہوگی۔

ٹوئٹ میں خواجہ سعدرفیق نے کہا کہ زرداری عمران غیراعلانیہ اتحاد اور لوٹاکریسی کا مستقبل نہیں۔ وزیر ریلوے نے کہاکہ مقابلہ کارکردگی کی بنیاد پر کریں گالیوں، الزامات کی بنیاد پر نہیں کریں، جھوٹے الزامات اور گالیوں سے دراڑیں پڑ جاتی ہیں، پاکستان کا ووٹر ٹی وی دیکھ کر نہیں بلکہ کام کی کارکردگی پر ووٹ دیتا ہے، لوگ آنکھوں سے دیکھتے، کانوں سے سنتے اور اپنے دل سے فیصلہ کرتے ہیں۔سعد رفیق نے کہا کہ ایک دوسرے پر جھوٹے الزامات لگانے کے بجائے بھی سیاست ہوسکتی ہے، کھینچا تانی، جوڑ توڑ کا ماحول ہوتا ہے تو خطرناک صورتحال ہوتی ہے، چیزیں بڑی مشکل سے جڑی ہیں ہمیں مل کر آگے جانا ہے۔

مزید متعلقہ خبریں پڑھئیے‎ :

وقت اشاعت : 17/04/2018 - 15:07:49

اس خبر پر آپ کی رائے‎

متعلقہ عنوان :