عمران خان کے لیےسونے کا تاج تیار کروالیا گیا

مقدس فاروق اعوان جمعرات 12 اپریل 2018 13:45

ڈسکہ(اردو پوائنٹ تازہ ترین اخبار۔12 اپریل 2018ء) پی ٹی آئی چئیرمین عمران خان کے لئے 40تولے سونے کا تاج تیار کروا لیا گیا۔ڈسکہ امد پر پہنایا جائے گا۔تفصیلات کے مطابق سیاسی جلسے جلوسوں میں سیاسی لیڈروں کو سونے کے تاج پہنانا اب معمول ہو چکا ہے۔پاکستان مسلم لیگ ن کے قائد نواز شریف کی صاحبزادی مریم نواز کو پاکستان کے مخلتف شہروں میں سیاسی جلسوں میں سونے کے تاج پیش کیے گئے۔

(جاری ہے)

اسیے میں پاکستان تحریک انصاف کے کھلاڑی بلا کیسے پیچھے رہتے۔عمران خان کو بھی اپنے جلسوں میں سونے کا تاج پہنایا گیا یہاں تک کہ ایک بار عمران خان کو سونے کا بلا بھی تحفہ میں پیش کیا گیا۔جو بعدازاں عمران خان نے شوکت خانم کو ڈوننیٹ کر دیا۔آج عمران خان ڈسکہ کا دورہ کریں گے اور عمران خان کی آمد کے پیش نظر ان کے لیے 40 تولہ سونے کا ایک تاج تیار کروا لیا گیا ہے جو عمران خان کو ڈسکہ آمد پر پہنایا جائے گا۔