تحریک انصاف کے سربراہ عمران خان نے بھی جنوبی پنجاب صوبہ بنانے کی حمایت کردی

محمد علی منگل 10 اپریل 2018 19:58

اسلام آباد (اردو پوائنٹ تازہ ترین اخبار۔10 اپریل 2018ء) تحریک انصاف کے سربراہ عمران خان نے بھی جنوبی پنجاب صوبہ بنانے کی حمایت کردی ہے۔ تفصیلات کے مطابق تحریک انصاف کے سربراہ عمران خان نے بھی گزشتہ روز ن لیگ سے بغاوت کرکے الگ ہونے والے جنوبی پنجاب کے گروپ کی حمایت کردی ہے۔

(جاری ہے)

عمران خان نے جنوبی پنجاب صوبے کی تحریک کی بھی حمایت کا اعلان کردیا ہے۔ عمران خان کا کہنا ہے کہ جنوبی پنجاب کے لوگوں کا نئے صوبے کے قیام کا مطالبہ اس لئے درست ہے کہ پنجاب کے بجٹ کا 57 فیصد لاہور پر خرچ ہو جاتا ہے ۔ جنوبی پنجاب واقعی محرومی کا شکار ہے اس لیے وہاں کے لوگوں کے مطالبات کو سنجیدگی سے سننا چاہیئے۔