پولیس لائن میں تعینات عملہ لیڈی پولیس اہلکاروں کو تنگ کرتا ہے ،آئی جی اسلام آبادکو نامعلوم درخواست موصول

آئی جی اسلام آباد نے فوری نوٹس لے لیا،ر اے آئی جی آپریشنزعصمت اللہ جونیجو کو انکوائری کا حکم

پیر 9 اپریل 2018 23:37

پولیس لائن میں تعینات عملہ لیڈی پولیس اہلکاروں کو تنگ کرتا ہے ،آئی ..

اسلام آباد(اُردو پوائنٹ اخبارتازہ ترین - آن لائن۔ 09 اپریل2018ء) آئی جی اسلام آبادڈاکٹرسلطان اعظم تیموری کو ایک نامعلوم درخواست موصول ہوئی کہ پولیس لائن میں تعینات عملہ لیڈی پولیس اہلکاروں کو تنگ کرتا ہےدرخواست میں ڈی ایس پی سے لے کر ایس ایس پی تک کے عہدیداروں تک پر انتہائی سنگین الزامات عائد کئے گئے ہیں۔ جبکہ آپریٹروں اور ریڈروں کے کارنامے بھی سامنے لائیں گے۔

(جاری ہے)

درخواست میں واقعات کے ویڈیو اور تصویری ثبوت موجود ہونے کا بھی دعوی کیا گیا ہے۔درخواست پر آئی جی اسلام آباد نے فوری نوٹس لے لیا اور اے آئی جی آپریشنزعصمت اللہ جونیجو کو انکوائری کے احکامات جاری کئے۔ اے آئی جی آپریشنزاور اے ایس پی یو ٹی نے پولیس لائن میں دربارکیا اورلیڈی پولیس اہلکاروں سے پوچھ گچھ کی جس میں تین مشتبہ اہلکاروں کے نام سامنے آئے ھیں جن کو معطل کر دیا گیا ہے۔ مزیدرپورٹ فائنل انکوائری اور کارروائی کے بعد جاری کی جائے گی۔