ٹریفک پولیس نےامریکی سفارتکارجوزف کا ڈرائیونگ لائسنس منسوخ کردیا

Sanaullah Nagra ثنااللہ ناگرہ پیر 9 اپریل 2018 18:45

ٹریفک پولیس نےامریکی سفارتکارجوزف کا ڈرائیونگ لائسنس منسوخ کردیا
اسلام آباد(اُردوپوائنٹ اخبارتازہ ترین۔09 اپریل 2018ء) : ٹریفک پولیس نے امریکی سفارتکارجوزف کا ڈرائیونگ لائسنس منسوخ کردیا، جبکہ فیڈرل پولیس نے کرنل جوزف کا نام ای سی ایل میں ڈالنے کیلئے وزارت داخلہ کوخط بھی لکھ دیا ہے۔ میڈیا رپورٹس کے مطابق امریکی سفارتخانے کی گاڑی کی ٹکرسے نوجوان کے جاں بحق ہونے کے معاملے میں اہم پیشرفت ہوئی ہے۔ ٹریفک پولیس نے امریکی سفارتکارجوزف کا ڈرائیونگ لائسنس منسوخ کردیا۔

(جاری ہے)

اس سے قبل وفاقی پولیس نے امریکی اتاشی کرنل جوزف کا نام ای سی ایل میں ڈالنے کیلئے وزارت داخلہ کو خط لکھا۔ وزارت داخلہ نے خط میں مطالبہ کیا کہ متعلقہ مقدمے کے فیصلے تک کرنل جوزف کوملک چھوڑنے کی اجاز ت نہ دی جائے۔وفاقی پولیس نے ایف آئی اے کو بھی خط ارسال کیا ہے کہ امریکی ملٹری اتاشی کرنل جوزف کوملک سےباہر نہ جانےدیاجائے۔ باوثوق ذرائع سےپتہ چلا ہےکرنل جوزف ملک سےباہر جانیوالے ہیں۔

متعلقہ عنوان :