2018 نئے پاکستان اور تبدیلی کا سال ہے، نوجوان پی ٹی آئی کا ممبر بن کر میری ٹیم کا حصہ بنیں، عمران خان

فہد شبیر اتوار 8 اپریل 2018 18:08

راولپنڈی(اُردو پوائنٹ اخبار تازہ ترین۔8اپریل۔2018ء) پاکستان تحریک انصاف کے چیئرمین عمران خان کا کہنا ہے کہ 2018 نئے پاکستان اور تبدیلی کا سال ہے لہذا نوجوان پی ٹی آئی کا ممبر بن کر میری ٹیم کا حصہ بنیں۔ عمران خان نے راولپنڈی میں ممبرسازی مہم کے سلسلے میں مختلف کیمپوں کا دورہ کیا اور ممبر سازی مہم کا جائزہ لیا۔

(جاری ہے)

پاکستان تحریک انصاف کے چیئرمین عمران خان نے پیرودھائی کے مقام پر ممبرسازی کیمپ پر خطاب کرتے ہوئے کہنا تھا کہ تمام نوجوانوں کو پی ٹی آئی کا ممبر بننے کی تاکید کرتا ہوں کیوں کہ یہ سال نئے پاکستان اور تبدیلی کا سال ہے۔

انہوں نے کہا کہ پنڈی میٹرو کی جگہ یہ پیسہ صحت، تعلیم اور صاف پانی پر لگا کر شہر کو بدلا جا سکتا تھا لیکن انہوں نے پیسا بنانا تھا اسی لیے پروجیکٹ بنایا۔ ان کا کہنا تھا کہ شریف خاندان قوم کا پیسا چوری کر کے باہر لے جاتا ہے لیکن اس کرپٹ مافیا اور ٹولے کا آئندہ انتخابات میں خاتمہ ہوگا۔ انہوں نے کہا کہ آپ کے کپتان کو مقابلہ کرنا آتا ہے اور 22 سال سے اس وقت کا انتظار کر رہا تھا، آئندہ الیکشن میں تمام جماعتوں کو پھینٹی لگاؤں گا۔