کامن ویلتھ گیمز سائیکلنگ، آسٹریلیا نے دو، انگلینڈ اور سکاٹ لینڈ نے ایک، ایک طلائی تمغہ جیت لیا

جمعہ 6 اپریل 2018 23:15

گولڈ کوسٹ ۔ (اُردو پوائنٹ اخبارتازہ ترین - اے پی پی۔ 06 اپریل2018ء) کامن ویلتھ گیمز سائیکلنگ ایونٹ کے دوسرے روز آسٹریلیا نے دو، انگلینڈ اور سکاٹ لینڈ نے ایک، ایک طلائی تمغہ جیت لیا۔

(جاری ہے)

گولڈ کوسٹ، آسٹریلیا میں جاری میگا گیمز کے دوسرے روز سائیکلنگ ٹریک ایونٹ میں مزید 4 طلائی تمغوں کا فیصلہ ہوا، مینز کیرن ایونٹ میں آسٹریلوی سائیکلسٹ میتھیو گلیٹزر نے طلائی، ویلز کے لیوس نے چاندی اور نیوزی لینڈ کے ایڈی نے کانسی کا تمغہ جیتا، مینز انفرادی پرسوٹ میں انگلینڈ کے چارلی نے انتہائی مہارت کا مظاہرہ کرتے ہوئے طلائی تمغہ جیتنے کا اعزاز حاصل کیا، سکاٹ لینڈ کے جان نے چاندی اور نیوزی لینڈ کے ڈیلن نے کانسی کا تمغہ جیتا، ویمنز سپرنٹ ایونٹ میں آسٹریلوی سائیکلسٹ سٹیفنی نے غیرمعمولی کارکردگی کا مظاہرہ کرتے ہوئے طلائی تمغہ اپنے نام کیا، نیوزی لینڈ کی نتاشا نے چاندی اور آسٹریلیا کی کارلی نے کانسی کا تمغہ جیتا، ویمنز انفرادی پرسوٹ میں سکاٹ لینڈ کی کیٹی نے طلائی، آسٹریلیا کی ریبیکا اور ایڈمونڈسن نے کانسی کے تمغے جیتے۔

اسطرح سائیکلنگ ایونٹ کے ابتدائی دو روز میں آسٹریلیا نے کل 10 طلائی تمغوں میں سی5 اپنے نام کئے۔