ملالہ یوسف زئی اہل خانہ کے ہمراہ برطانیہ روانہ

ملالہ نجی ایئر لائن کی پرواز کے ذریعے روانہ ہوئیں

پیر 2 اپریل 2018 20:49

ملالہ یوسف زئی اہل خانہ کے ہمراہ برطانیہ روانہ

راولپنڈی(اُردو پوائنٹ اخبارتازہ ترین - آن لائن۔ 02 اپریل2018ء) نوبل انعام یافتہ ملالہ یوسف زئی اہل خانہ کے ہمراہ غیر ملکی پرواز کے ذریعے برطانیہ روانہ ہوگئیں۔ میڈیا رپورٹ کے مطابق ملالہ یوسف زئی اپنے اہل خانہ کے ہمراہ چار روزہ دورے پر پاکستان آئی ہوئی تھیں جہاں انہوں نے وزیر اعظم پاکستان شاہد خاقان عباسی سے ملاقات کے ساتھ اپنے آبائی علاقے سوات اوراپنے اسکول کا بھی دورہ کیا۔

ملالہ یوسف زئی چار روزہ دورے کے بعد نجی ایئرلائن کی پرواز کیو آر615 کے ذریعے روانہ ہوگئیں۔

(جاری ہے)

اس موقع پر راولپنڈی کے بے نظیر انٹر نیشنل ایئر پورٹ پرسیکیورٹی کے انتہائی سخت انتظامات کیے گئے جب کہ غیر متعلقہ شخص کا ایئر پورٹ میں داخلہ ممنوع تھا۔واضح رہے کہ صرف 17 سال کی عمر میں نوبل انعام حاصل کرنے والی ملالہ یوسف زئی پرسوات میں کالعدم تحریک طالبان پاکستان کی جانب سے 2012 میں حملہ کیا گیا تھا جس کے بعد وہ علاج کی غرض سے برطانیہ منتقل ہوگئی تھیں جہاں صحت یاب ہونے کے بعد انہوں نے اعلیٰ تعلیم کے لیے آکسفورڈ یونیورسٹی میں داخلہ لیا۔ ملالہ 3 سال دنیا کی بااثر ترین شخصیات کی فہرست میں بھی شامل رہیں جب کہ کینیڈا کی جانب سے انہیں اعزازی شہریت بھی دی گئی۔