ترکی میں تارکینِ وطن کی بس کو حادثہ، پاکستانیوں سمیت 17 افراد جاں بحق،36زخمی

تیز رفتاری کے باعث ڈرائیور بس پر قابو نہ رکھ سکا بدقسمتی سے بس بجلی کے کھمبے سے ٹکرا گئی اور اس میں آگ لگ گئی،بس سے گرنے والے کچھ مسافر پیچھے سے آنے بس کی زد میں آ کر کچلے گئے،بس ڈرائیور اور 13افراد گرفتار

جمعہ 30 مارچ 2018 19:38

ترکی میں تارکینِ وطن کی بس کو حادثہ، پاکستانیوں سمیت 17 افراد جاں بحق،36زخمی

انقرہ(اُردو پوائنٹ اخبارتازہ ترین - آئی این پی۔ 30 مارچ2018ء) ترکی میں تارکینِ وطن کی بس کھمبے سے ٹکرانے کے باعث پاکستانیوں سمیت 17افراد جاں بحق اور 36زخمی ہوگئے ۔غیر ملکی میڈیا کے مطابق ترکی کے صوبے اِرگِد کے جنوبی علاقے میں غیرقانونی تارکین وطن کی بس بجلی کے کھمبے سے ٹکرا گئی جس کے نتیجے میں 17 افراد ہلاک اور 36 زخمی ہوگئے۔

(جاری ہے)

مقامی میڈیا کے مطابق حادثے کی شکار بس میں پاکستان اور افغانستان کے شہری سوار تھے جو ایرانی سرحد سے غیرقانونی طریقے سے ترکی میں داخل ہوئے تاہم تیز رفتاری کے باعث ڈرائیور بس پر قابو نہ رکھ سکا اور بدقسمتی سے بس بجلی کے کھمبے سے ٹکرا گئی اور اس میں آگ لگ گئی۔

بس سے گرنے والے کچھ مسافر پیچھے سے آنے بس کی زد میں آ کر کچلے گئے۔ پولیس نے دوسری بس کے ڈرائیور اور 13افراد کو گرفتار کر لیا ۔ میڈیا کا کہنا ہے بس میں غیر قانونی تارکین وطن سوار تھے۔ سرکاری میڈیا کے مطابق بس میں پچاس سے زائد افراد سوار تھے۔