فاروق ستار کا ایم کیو ایم بہادرآباد گروپ کے رہنما خالد مقبول صدیقی سے رابطہ

دونوں گروپوں کے رہنماؤں میں ملاقات کا امکان

جمعرات 29 مارچ 2018 19:29

فاروق ستار کا ایم کیو ایم بہادرآباد گروپ کے رہنما خالد مقبول صدیقی ..

کراچی(اُردو پوائنٹ اخبارتازہ ترین - آن لائن۔ 29 مارچ2018ء) ایم کیو ایم پاکستان کے سربراہ فاروق ستار نے ایم کیو ایم بہادرآباد گروپ کے رہنما خالد مقبول صدیقی سے رابطہ کیا ہے جس کے بعد دونوں گروپوں کے رہنماؤں میں ملاقات کا امکان ہے۔

(جاری ہے)

ایم کیو ایم پاکستان کے سربراہ فاروق ستار نے ایم کیو ایم بہادرآباد گروپ کے رہنما خالد مقبول صدیقی سے رابطہ کیا ہے، اس موقع پر ڈاکٹر خالد مقبول صدیقی کا کہنا تھا کہ فاروق بھائی رابطہ کمیٹی آپ سے ملنا چاہتی ہے، اگر ہمارا آنا آپ کو صحیح نہیں لگتا تو آپ آجائیں جس پر ڈاکٹر فاروق ستار نے کہا کہ ملاقات کرنے میں کوئی مسئلہ نہیں ہے۔

دوسری جانب ذرائع کا کہنا ہے فاروق ستار سے ملاقات کے لیے بہادرآباد گروپ کے رہنما آج کوئی وقت دیں گے، دونوں رہنماؤں کے درمیان رابطے کے بعد بریک تھرو کا امکان ہے، یہ ملاقات گزشتہ روز ہونی تھی جو چند وجوہات کے باعث نہ ہوسکی تاہم رات کسی تیسرے مقام پر ملاقات کا امکان ہے۔واضح رہے کہ چند روز قبل الیکشن کمیشن آف پاکستان نے فاروق ستار کو متحدہ قومی موومنٹ پاکستان کی کنوینئرشپ (سربراہی) سے ہٹا دیا تھا تاہم عدالت نے ایم کیو ایم پاکستان کے رہنما فاروق ستار کی کنوینر شپ ختم کرنے سے متعلق الیکشن کمیشن کا فیصلہ معطل کردیا۔