امریکی کاروباری جریدے ’فوربز‘ نے اپنی سالانہ ’30 انڈر 30‘ کی ایشیا کی فہرست جاری کردی ،ْنو پاکستانی شامل
منگل 27 مارچ 2018 22:49
(جاری ہے)
رواں برس فوربز کی یہ تیسری فہرست ہے، جریدے نے اس فہرست کا ا?غاز 2016 میں کیا تھا۔اس فہرست پر ’30 انڈر 30‘ کا نام اس لیے رکھا گیا ہے، کیوں کہ اس فہرست میں عام طور پر ہر کیٹیگری کے لیے 30 ایسے افراد کو منتخب کیا جاتا ہے، جن کی عمر 30 سال سے کم ہو۔
فوربز کی جانب سے اس فہرست کی ایشیا سمیت تمام خطوں کی الگ الگ جب کہ عالمی سطح پر بھی ایک خصوصی فہرست جاری کی جاتی ہے۔ایشیا کی تیسری فہرست میں فوربز نے 2018 میں آرٹ، موسیقی، ٹیکنالوجی، کنزیومر ٹیکنالوجی، انٹرٹینمنٹ اینڈ اسپورٹس، ینگیسٹ، میڈیا مارکیٹنگ اور سوشل انٹرپرینر سمیت دیگر مجموعی طور پر 10 کیٹیگریز کے لیے افراد کو منتخب کیا گیا ہے۔ایشیا کی فہرست میں پاکستانی گلوکارہ مومنہ مستحسن، بھارتی اداکارہ انوشکا شرما، اداکارہ ایملی براؤننگ، نوجوان ترین اداکارہ 14 سالہ سیو ہیون آہن، بھارتی خاتون کرکٹر سمرتی مندھانی اور بھارتی بیڈمنٹن کھلاڑی پی وی سندھو بھی شامل ہیں۔ایشیا کے 300 افراد میں مجموعی طور پر پاکستان کے 9 افراد شامل ہیں، تاہم 4 افراد کاروبار میں شراکت دار کی حیثیت جب کہ باقی 5 افراد کو انفرادی طور پر ’30 انڈر 30‘ کی فہرست میں شامل کیا گیا ہے۔خیال رہے کہ 2017 کی ’30 انڈر 30‘ فہرست میں 6 پاکستانیوں کے نام شامل کیے گئے تھے۔ رپورٹ کے مطابق 25 سالہ مومنہ مستحن کا نام موسیقی کی کیٹیگری میں شامل کیا گیا، ان کا نام اس فہرست میں پہلی بار شامل ہوا ہے۔24 سالہ محمد اسد رضا اور ان کے ساتھی ابراہیم شاہ کا نام ہیلتھ کیئر اسٹارٹ اپ کی کیٹیگری میں شامل کیا گیا ہے، انہوں نے نیورو سٹک نامی آن لائن ہیلتھ کمپنی بنائی۔17 سالہ محمد شہیر نیازی کی سائنسی و تحقیقاتی خدمات کا اعتراف کرتے ہوئے انہیں ینگیسٹ اور ہیلتھ کیئر اینڈ سائنس کی کیٹیگری کی فہرست میں منتخب کیا گیا۔29 سالہ سعدیہ بشیر کو اںترپرائز ٹیکنالوجی کے شعبے کے لیے منتخب کیا گیا۔30 سالہ عدنان شفیع اور 28 سالہ عدیل شفیع کو ریٹیل اینڈ ای کامرس کی کیٹیگری کے لیے منتخب کیا گیا۔24 سالہ حمزہ فرخ کو سوشل انٹرپرینر کی کیٹیگری کے لیے نامزد کیا گیا۔24 سالہ سید فیضان حسین کو بھی سوشل انٹرپرینر کی کیٹیگری کے لیے نامزد کیا گیامزید اہم خبریں
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.