قومی سلامتی کے مشیر لیفٹیننٹ جنرل (ر) ناصر خان جنجوعہ سے چین کے سفیر یائو جنگ کی ملاقات‘

دوطرفہ تعلقات اور پاک۔چین اقتصادی راہداری کے امور زیر بحث آئے

پیر 26 مارچ 2018 23:36

اسلام آباد ۔ (اُردو پوائنٹ اخبارتازہ ترین - اے پی پی۔ 26 مارچ2018ء) قومی سلامتی کے مشیر لیفٹیننٹ جنرل (ر) ناصر خان جنجوعہ سے چین کے سفیر یائو جنگ نے پیر کو ملاقات کی جس میں دوطرفہ تعلقات اور پاک۔چین اقتصادی راہداری کے امور زیر بحث آئے۔

(جاری ہے)

قومی سلامتی کے مشیر لیفٹیننٹ جنرل (ر) ناصر خان جنجوعہ نے کہا کہ پاکستان اور چین کے درمیان دوستانہ تعلقات ہیں، چین پاکستان کا قابل اعتماد دوست اور شراکت دار ہے۔ چین کے سفیر نے بڑھتے ہوئے دوطرفہ تعلقات پر اطمینان کا اظہار کرتے ہوئے کہا کہ چین کی حکومت پاکستان کے ساتھ کثیر الجہتی شعبوںمیں دوطرفہ تعلقات بڑھانے کی خواہاں ہے۔