رنبیر کپور نے فلم ’’براہمسترا ‘‘ کیلئے بھارتی مارشل آرٹس کی مختلف مہارتیں سیکھنے کا فیصلہ کرلیا

ہفتہ 24 مارچ 2018 20:16

ممبئی (اُردو پوائنٹ اخبارتازہ ترین - این این آئی۔ 24 مارچ2018ء) بالی وڈ اداکار رنبیر کپور نے فلم ’’براہمسترا ‘‘ کیلئے بھارتی مارشل آرٹس کی مختلف مہارتیں سیکھنے کا فیصلہ کرلیا ۔

(جاری ہے)

میڈیا رپورٹ کے مطابق اداکار رنبیر کپور ان دنوں میں فلم ’’براہمسترا ‘‘ کی عکسبندی کے لئے بلغاریہ میں موجود ہیں جس کے بعد وہ فلم میں سٹنٹس اور ایکشن مناظر کی عکسبندی کے لئے بھارتی مارشل آرٹس کی چند مہارتیں جن میں کالاریپایٹو اور ورما کالائی شامل ہیں سیکھیں گے جبکہ ہوین لنگلون کی بنیادی تربیت بھی لیں گے جو مسلح اور غیر مسلح لڑائی پر مشتمل ہے ،ْہدایتکار ایان مکھرجی کی فلم ’’براہمسترا ‘‘ میں رنبیر کپور کے ساتھ عالیہ بھٹ مرکزی کردار ادا کر رہی ہیں جبکہ فلم میں امیتابھ بچن اور مونی رائے بھی اہم کردار ادا کر رہے ہیں۔