فرانس کی سپر مارکیٹ میں داعشی جنگجوکا حملہ،دوافرادہلاک ،12زخمی

حملہ آور نے آٹھ افرادکو یرغمال بھی بنایاتاہم فورسزنے آپریشن کرکے بازیاب کرالیا،مزید تفتیش جاری

ہفتہ 24 مارچ 2018 19:54

پیرس(اُردو پوائنٹ اخبارتازہ ترین - این این آئی۔ 24 مارچ2018ء) فرانس کے جنوبی علاقے میں واقع ایک سپر مارکیٹ میں ایک مسلح حملہ آور نے آٹھ افرادکو یرغمال بنا لیا اورفائرنگ کرکے دوافرادکو ہلاک جبکہ 12کو زخمی بھی کردیا ۔غیرملکی خبررساں ادارے کے مطابق جنوبی فرانس کے شہر کاکاسن میں واقع ایک سپر مارکیٹ میں ایک مسلح حملہ آور نے کچھ لوگوں کو یرغمال بنا لیا تاہم بعد ازاں سکیورٹی اہلکاروں کی کارروائی کے نتیجے میں انہیں آزاد کرا لیا گیا۔

(جاری ہے)

مقامی حکام کے مطابق اس کارروائی میں دو افراد ہلاک جبکہ بارہ زخمی ہوئے ۔اس حملہ آور نے آٹھ افراد کو یرغمال بنایا تھا جبکہ اس نے ایک پولیس افسر کو گولی سے نشانہ بھی بنایا۔اس حملہ آور نے انتہا پسند گروپ داعش سے وابستگی کا اعلان کیا ہے۔ ادھر پیرس میں استغاثہ نے بتایا کہ انسداد دہشت گردی کی خصوصی ٹیم نے اس واقعے کی تفتیش شروع کر دی ہے تاہم اس بارے میں کوئی تصدیق نہیں کی گئی ہے کہ اس حملہ آور کا تعلق داعش سے ہے۔ فرانس میں ماضی میں بھی ایسے دہشت گردانہ حملے ہو چکے ہیں۔ اس حوالے سے اس مغربی یورپی ملک میں سکیورٹٰ ہائی الرٹ ہے۔