فرانس :سپر مارکیٹ پر حملہ آورکے ہاتھوں زخمی ہونے والا پولیس اہلکار دم توڑ گیا

میاں محمد ندیم ہفتہ 24 مارچ 2018 14:09

پیرس (اردوپوائنٹ اخبارتازہ ترین-انٹرنیشنل پریس ایجنسی۔24مارچ۔2018ء) فرانس میں ایک سپر مارکیٹ پر حملہ آورکے ہاتھوں زخمی ہونے والا پولیس اہلکار دم توڑ گیا ہے،سپرمارکیٹ حملے میں تین افراد ہلاک ہوئے تھے۔

(جاری ہے)

فرانس کے جنوبی قصبے میں واقع سپر مارکیٹ میں ایک مسلح شخص نے کچھ لوگوں کو یرغمال بنایا، اس سے قبل علاقے میں فائرنگ کی گئی، جس سے ایک پولیس اہلکار زخمی بھی ہوا۔

فرانسیسی وزیرداخلہ کے مطابق زخمی پولیس اہلکارزخموں کی تاب نہ لاتے ہوئے چل بسا۔ فرانس کے صدر ایمانیول میکرون نے حملے کودہشت گردی کا واقعہ قرار دیاہے۔فرانسیسی پراسیکیوٹر کے مطابق حملہ آور سے تعلق کے الزام میں فرانس کے جنوب مشرقی علاقے سے ایک خاتون کو حراست میں لیا گیا ہے۔حملے کی ذمہ داری داعش نے قبول کرلی تھی۔