کراچی کی ترقی اور بہتری کیلئے ہمیں ایک قوم بن کر بلا امتیاز و تفریق خدمت کے جذبے سے کام کرنا چاہئے، وسیم اختر
جمعہ 23 مارچ 2018 20:40
(جاری ہے)
کراچی کی ترقی اور بہتری کیلئے ہمیں ایک قوم بن کر بلا امتیاز و تفریق خدمت کے جذبے سے کام کرنا چاہئے، ہمیں قائد اعظم کے افکار کے پیش نظر اپنے باہمی اختلافات کو بھلا کر ملک کی ترقی اور خوشحالی کے لئے کام کرنا ہوگا اور مملکت پاکستان کے مقاصد کو سامنے رکھنا ہوگا، برصغیر میں تاریخی تحریک آزادی کا باقاعدہ آغاز قرار داد پاکستان منظور ہونے کے بعد ہوا تھا، یوم پاکستان کو شایان شان طریقے سے منانا پاکستان سے تجدید عہد ہے 25 مارچ کو کراچی میں PSL کا فائنل منعقد ہونا ملک خصوصاً کراچی کے باعث اعزاز ہے، کراچی میں اب بہتری آنا شروع ہوگئی ہے سپریم کورٹ کے احکامات کے تحت شہر میں صفائی کا ذمہ دار سالڈ ویسٹ مینجمنٹ بورڈ ہے، کے ایم سی اپنے زیر انتظام سڑکوں پر کام کررہی ہے، یہ بات انہوں نے یوم پاکستان کے موقع پر کراچی کے شہریوں کی جانب سے بابائے قوم قائد اعظم محمد علی جناح کے مزار پر پھولوں کی چادر چڑھانے اور فاتحہ خوانی کرنے کے بعد میڈیا کے نمائندوں سے گفتگو کرتے ہوئے کہی، اس موقع پر میونسپل کمشنر ڈاکٹر اصغر عباس، چیئرمین قانونی امور کمیٹی عارف خان ایڈووکیٹ، چیئر مین چارجڈ پارکنگ کمیٹی محمد مرسلین، چیئرپرسن ایتھکس ( کوڈ آف کنڈکٹ) کمیٹی قراة العین خان، سینئر ڈائریکٹر کو آرڈینیشن مسعود عالم، ڈائریکٹر میڈیا مینجمنٹ علی حسن ساجد اور دیگر افسران بھی موجود تھے، میئر کراچی نے کہا کہ حکومت نے اب کے ایم سی کو فنڈز دینا شروع کردیئے ہیں اور چیف جسٹس کے حکم کے بعد شہر میں سیوریج وکچرے کی صورتحال کو بہتر بنانے کی کوششیں جاری ہیں، بلدیہ عظمیٰ کراچی چیف جسٹس کے احکامات پر عملدرآمد کررہی ہے تاہم کچرے کی صورتحال ابھی تک اطمینان بخش نہیں ہے ، انہوں نے کہا کہ کراچی سمیت پورے پاکستان میں اسپورٹس کا کلچر دوبارہ بحال ہورہاہے یوم پاکستان اور PSL فائنل کے موقع پر شہریوں کا جوش خروش اور جذبہ قابل دید ہے آئندہ ماہ ویسٹ انڈیز کی ٹیم بھی پاکستان آرہی ہے، امید ہے بہت جلد کراچی سمیت پورے ملک میں کھیلوں کے بین الاقوامی مقابلے منعقد ہونگے اور ہمارے باصلاحیت نوجوانوں کو ان میں حصہ لینے اور اپنی صلاحیتوں کو نکھارنے کا موقع ملے گا انہوں نے کہا کہ PSL فائنل کے حوالے سے قانون نافذ کرنے والے اداروں، فائربریگیڈ سمیت مختلف شہری اداروں کو ان سے متعلق ذمہ داریاں سونپی گئی ہیں اور بلدیہ عظمیٰ کراچی کو اس موقع پر شہر کو خوبصورتی میں اضافہ کرنے کی ذمہ داری دی گئی ہے ، میئر کراچی نے کہا کہ پاکستان ہماری آرزئوں اور امنگوں کی منزل ہے پاکستان کا مستقبل ہم سے اور ہمارا مستقبل پاکستان سے وابستہ ہے، پاکستان کے شہری اپنے ملک کے لئے ہر قربانی دینے کو تیار ہیں زندہ قومیں اپنی تاریخ کے سنہرے لمحات اور اپنے اسلاف کو کبھی فراموش نہیں کرتیں، یوم پاکستان پر ہمیں ایک بار پھر یہ عہد کرنا ہے کہ ہم اپنے شہر، صوبے اور ملک کی ترقی اور خوشحالی کیلئے اپنی تمام تر صلاحیتیں بروئے کار لاتے رہیں گے۔
متعلقہ عنوان :
مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.