غیر ملکیوں کے نوزائیدہ بچے سعودی عرب پہنچنے پر ویزہ حاصل کر سکتے ہیں

سعدیہ عباس جمعہ 23 مارچ 2018 14:05

ریاض (اُردو پوائنٹ اخبارتازہ ترین۔ 23 مارچ2018ء) سعودی عرب کے پاسپورٹ کے جنرل ڈرایکٹر نے حال ہی میں اعلان کیا ہے کہ سعودی عرب میں غیرملکی رہائشیوں کے نوزائیدہ بچے سعودی عرب واپسی پر بغیر ویزہ کے ملک میں داخل ہو سکتے ہیں۔ نوزائیدہ بچوں کو ریاست میں آنے کے بعد ویزہ جاری کر دیا جائے گا۔

(جاری ہے)

پاسپورٹ کے جنرل ڈرایکٹر کے اس فیصلے سے متعلق سعودی مقامی اخبارالیوم نے سب سے پہلے اعلان کیا۔ اس خبر رساں ادارے کے مطابق سعودی عرب کے پاسپورٹ کے جنرل ڈرایکٹر نے اعلان کیا ہے کہ نوزائیدہ بچے اپنے والدین کے ساتھ بغیر ویزے کے ریاست میں داخل ہو سکتے ہیں بشرط یہ کہ والدین کے پاس ویزہ ہو اور بچے کو ریاست میں داخل ہونے کے بعد ویزہ جاری کر دیا جائے گا۔