یوم پاکستان ،ْ دبئی ،ْ چین ،ْ ترکی اور لند ن میں تقریبات کاانعقاد ،ْ

سبز ہلالی پرچم بلند کئے گئے بچے بڑے سب ہی پاکستان کی ثقافت کے رنگوں میں نظر آئے ،ْ ملی نغمہ گا کر وطن سے محبت کا اظہار کیا مقبوضہ کشمیر کے علاقے سری نگر میں بھی دختران ملت کے زیر اہتمام یوم پاکستان کی تقریب کا اہتمام ،ْآسیہ اندرابی نے قومی ترانہ پڑھا

جمعہ 23 مارچ 2018 13:26

یوم پاکستان ،ْ دبئی ،ْ چین ،ْ ترکی اور لند ن میں تقریبات کاانعقاد ،ْ
اسلام آباد/دبئی /بیجنگ /استنبول/لندن/سری نگر (اُردو پوائنٹ اخبارتازہ ترین - این این آئی۔ 23 مارچ2018ء) 78 واں یوم پاکستان کے سلسلے میں دبئی، چین، ترکی اور لندن میں بھی تقریب کا انعقاد کیا گیا ۔تفصیلات کے مطابق 23 مارچ 1940 کو لاہور کے منٹو پارک میں آل انڈیا مسلم لیگ نے وہ تاریخی قرارداد منظور کروائی تھی جس کے نیتجے میں 7 برس بعد وطن عزیز پاکستان وجود میں آیا تھا۔

متحدہ عرب امارات کے شہر دبئی میں پاکستانی سفیر معظم احمد خان کی جانب سے ’شکریہ پاکستان‘ کے نام سے یوم پاکستان کے 4 روزہ جشن کا اہتمام کیا گیا ہے۔اس موقع پر مختلف تقریبات کا بھی انعقاد کیا جائے گا، جس میں دبئی کی مشہور شخصیات کی شرکت متوقع ہے۔چین کے دارالحکومت بیجنگ میں پاکستانی سفارتخانے میں یوم پاکستان قومی جوش و جذبے کے ساتھ منایا گیا۔

(جاری ہے)

تقریب کے آغاز پر پاکستانی سفیر مسعود خالد نے سرسبز ہلالی پرچم بلند کیا۔پاکستانی سفیر مسعود خالد نے تقریب میں شریک بچوں میں تحائف بھی تقسیم کیے۔اس موقع پر بچے بڑے سب ہی پاکستان کی ثقافت کے رنگوں میں نظر آئے اور ملی نغمہ گا کر وطن سے محبت کا اظہار کیا۔تقریب میں سفیر مسعود خالد نے پاکستانی صدر ممنون حسین اور وزیراعظم شاہد خاقان عباسی کا پیغام بھی پڑھ کر سنایا۔

ترکی کے شہر انقرہ میں بھی یوم پاکستان کے موقع پر خصوصی تیاریاں کی گئیں۔استنبول میں برطانیہ اور ایشیا کوملانے والے پٴْل کو پاکستانی پرچم سیروشن کیا جائے گا۔ادھر مقبوضہ کشمیر کے علاقے سری نگر میں بھی دختران ملت کے زیر اہتمام یوم پاکستان کی تقریب کا اہتمام کیا گیا۔تقریب میں تحریک کی رہنما آسیہ اندرابی اور دیگر خواتین نے پاکستانی قومی ترانہ بھی پڑھا۔

یوم پاکستان کے حوالہ سے 23 مارچ کی صبح پاکستانی ہائی کمیشن سری لنکا میں ایک رنگا رنگ تقریب کا انعقاد کیا گیا۔ اس موقع پر پاکستان کے قائمقام ہائی کمشنر نے قومی پرچم لہرایا۔ بعد ازاں صدر پاکستان اور وزیراعظم پاکستان کے خصوصی پیغامات بھی پڑھ کر سنائے گئے۔ تقریب کے موقع پر خطاب کرتے ہوئے قائم مقام ہائی کمشنر نے کہا کہ پاکستان سری لنکا کے ساتھ اپنے تعلقات کو بڑی اہمیت دیتا ہے جو باہمی اعتماد اودوستی کی بنیادوں پر قائم ہیں۔

انہوں نے کہا کہ یہ بات انتہائی اطمینان بخش ہے کہ ہمارے دو طرفہ تعلقات تاریخی اہمیت کے حامل ہیں اور ہم سیاست ، معیشت ، دفاع ، سکیورٹی ، ثقافت ، تعلیم اور لوگوں کے لوگوں کے رابطوں کے مختلف شعبوں میں دوطرفہ تعلقات کو فروغ دے رہے ہیں۔ قائم مقام ہائی کمشنر نے حکومت اور پاکستان کے عوام کی جانب سے سری لنکا کی حکومت اورعوام کو ترقی ، خوشحالی، باہمی تعاون اور اعتماد کے رشتوں میں مزید اضافہ کا یقین دلایا۔ تقریب میں پاکستان ، سری لنکا فرینڈ شپ، ٹریڈ اینڈ انویسٹمنٹ ایسوسی ایشن، پاک سری لنکا بزنس کونسل اور سری لنکا میں مقیم پاکستانی برادری سمیت مختلف شعبہ ہائے زندگی سے تعلق رکھنے والے افراد کی کثیر تعداد نے شرکت کی۔