یورپ اور امریکا کے مابین تجارتی جنگ فی الوقت ٹل گئی،ٹرمپ کا استثنیٰ

ٹرمپ نے اٹھائیس رکنی یورپی یونین کے علاوہ کینیڈا، برازیل، میکسیکو، آسٹریلیا اور ارجنٹائن کو بھی استثنیٰ دے دیا

جمعہ 23 مارچ 2018 11:45

یورپ اور امریکا کے مابین تجارتی جنگ فی الوقت ٹل گئی،ٹرمپ کا استثنیٰ

نئی دہلی(اُردو پوائنٹ اخبارتازہ ترین - این این آئی۔ 23 مارچ2018ء) بھاری درآمدی محصولات لاگو کیے جانے سے چند گھنٹوں قبل امریکی صدر ٹرمپ نے یورپی یونین سمیت چند ممالک کو عارضی استثنیٰ دینے کا فیصلہ کیا ہے۔ یوں فی الوقت امریکا اور یورپ کے مابین اقتصادی جنگ شروع ہونے کا خطرہ بھی ٹل گیا۔غیرملکی خبررساں ادارے کے مطابق امریکی صدر ٹرمپ نے یورپی یونین کو درآمدی محصولات سے عارضی استثنیٰ دینے کا فیصلہ کیا ہے۔

(جاری ہے)

اٹھائیس رکنی یورپی یونین کے علاوہ کینیڈا، برازیل، میکسیکو، آسٹریلیا اور ارجنٹائن کو بھی عارضی استثنیٰ دینے کا فیصلہ کیا گیا ہے۔ اس فیصلے کے بعد امریکا اور یورپ کے مابین تجارتی جنگ کا خطرہ بھی عارضی طور پر ٹل گیا ہے۔لیکن اب امریکا میں اسٹیل اور ایلومینیم پر بھاری درآمدی ٹیکسوں کے نفاذ سے سب سے زیادہ چین متاثر ہو گا، جس کا ایک مطلب یہ بھی ہے کہ اب امریکی پالیسیوں کے باعث اقتصادی جنگ چین اور امریکا کے مابین جاری رہے گی۔