78 ویں یوم پاکستان کی مناسبت سے سر سید یونیورسٹی آف انجینئرنگ اینڈ ٹیکنالوجی میںیوم پاکستان کوئز مقابلہ
23 مارچ کے دن قائداعظم اور ان کے رفقا نے قراداد پاکستان کی صورت میں مسلمانانِ ہند کے لیے ایک آزاد وطن کا خاکہ پیش کیا تھا۔ شفیع اللہ ملک
امین اکبر جمعرات 22 مارچ 2018 23:01
علی گڑھ انسٹی ٹیوٹ آف ٹیکنالوجی اور پاکستان کوئز سوسائٹی انٹرنیشنل کے اشتراک سے 78 ویں یوم پاکستان کی مناسبت سے بین الکلیاتی مقابلہ معلومات بعنوان یوم پاکستان کوئز سر سید یونیورسٹی آف انجینئرنگ اینڈ ٹیکنالوجی کراچی کے بشیر اے ملک آڈیٹوریم میں 19 مارچ 2018 کو منعقد ہوا جس کے مہمان خصوصی پاکستان کسٹم آفیسرز ایسوسی ایشن کے صدر شفیع اللہ ملک اور مہمانانِ اعزازی علی گڑھ انسٹی آف ٹیکنالوجی کے پرنسپل ڈاکٹر پروفیسر محمود خان پٹھان، فرینکلن لاء ایسوسی ایٹس کے چیف ایگزیکٹیو آفیسر فیصل غنی، راحیل انور اور علی گڑھ انسٹی ٹیوٹ آف ٹیکنالوجی کے ایوننگ پروگرام کے انچارج سید ریحان علی تھے۔
اس تقریب کے مہمان خصوصی نے اپنے خطاب میں کہا کہ 23 مارچ ہماری تاریخ کا ناقابل فراموش دن ہے۔(جاری ہے)
اس دن قائداعظم اور ان کے رفقا نے قراداد پاکستان کی صورت میں مسلمانانِ ہند کے لیے ایک آزاد وطن کا خاکہ پیش کیا تھا۔ اس قراداد نے آزادی کی تحریک میں نئی روح پھونک دی جس سے برصغیر کے مسلمانوں میں ایک نیا جوش اور ولولہ پیدا ہوا اور پھر سات سال کی جدوجہد کے بعد نئی آزاد مملکت پاکستان کا قیام عمل میں آیا ۔
اس کوئز مقابلے کی میزبانی کے فرائض معروف کوئزر اور پاکستان کوئز سوسائٹی انٹرنیشنل کے سرپرست علیٰ سید جاوید رضا، سیدہ تحسین فاطمہ، سید بکر مجیب ہاشمی اور محمد عارف سومرو نے جبکہ ججزکے فرائض انجینئر سید شاکر علی، سید ایاز رضا ترمذی اور شاہد جمیل نے انجام دیے۔ ججز کے متفقہ فیصلے کے مطابق کامکس کالج جوہر کیمپس کے نبیل شریف اور سمیع خان نے پہلی،میک کالجیٹ کے روحیل رضا حیدر اور محمد شاکرنے دوسری اور خاتون پاکستان گورنمنٹ گرلز کالج کی سیدہ ماہم فاطمہ اور کنول رشید نے تیسری پوزیشن حاصل کی۔ اس موقع پرپاکستان کوئز سوسائٹی انٹرنیشنل کے صدر معروف محقق و شاعر عقیل عباس جعفری،پروفیسر منور قریشی، واجد رضا اصفہانی اور سعید احمد سعید بھی موجود تھے۔ آخر میں مہمانِ خصوصی نے اس کوئز مقابلے میں پہلی، دوسری اور تیسری پوزیشن حاصل کرنے والی ٹیموں میں انعامات اور سرٹیفکیٹس تقسیم کیے۔
مزید تعلیم کی خبریں
-
اوپن یونیورسٹی آئندہ سمسٹر میں تین بی ایس پروگرامز لانچ کرے گی، وائس چانسلر
-
علامہ اقبال اوپن یونیورسٹی تعلیمی معیارکومزید بہتر بنانے کے لئے مختلف اقدامات کر رہی ہے، وائس چانسلر
-
علامہ اقبال اوپن یونیورسٹی ، شعبہ اردو کا رمضان المبارک کی مناسبت سے نعتیہ مشاعرہ
-
علامہ اقبال اوپن یونیورسٹی نے میٹرک پروگرام میں داخل 60ہزار طلبہ کو کتب کی ترسیل شروع کردی
-
فیصل آباد بورڈ آف انٹرمیڈیٹ، جماعت نہم (پارٹ۔اول)سالانہ امتحانات میں ایک لاکھ99 ہزار81طلباءوطالبات شریک ہونگے
-
اوپن یونیورسٹی میں سکالرشپ جیتنے والے طلبہ کے اعزاز میں تقریب
-
علامہ اقبال اوپن یونیورسٹی کی چترال ریجن میں ملتوی شدہ پیپرز کی نئی تاریخ مقرر
-
علامہ اقبال اوپن یونیورسٹی ،مختلف پروگرامز، کورسزمیں داخلے جمع کروانے کی آخری تاریخ 15 اپریل مقرر
-
علامہ اقبال اوپن یونیورسٹی ،مختلف پروگرامز ،کورسزمیں داخلے جمع کروانے کی آخری تاریخ15اپریل مقرر
-
لاہورمیں میٹرک امتحانات کے سلسلے میں مخصوص مقامات پر دفعہ 144 نافذ
-
میٹرک بورڈ کے امتحانات مئی میں اورانٹرمیڈیٹ کے امتحانات مئی کے آخری ہفتے میں لینے کا فیصلہ
-
قومی نصاب کے تحت 28 سال بعد نویں سے بارھویں تک نئے مضامین متعارف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.